दहा दिवसांपूर्वीच जेलमधून सुटका, पुन्हा ट्रेनमध्ये दरोड्याची तयारी, कल्याण रेल्वे पोलिसांकडून चौघांना बेड्या
कुशीनगर एक्सप्रेसमध्ये दरोडा टाकण्याच्या तयारीत असलेल्या चार दरोडेखोरांना (Kalyan Railway Police) कल्याण रेल्वे पोलिसांनी बेड्या ठोकल्या आहेत. तर पोलीस पाचव्या आरोपीच्या शोधात आहेत.
कल्याण : कुशीनगर एक्सप्रेसमध्ये दरोडा टाकण्याच्या तयारीत असलेल्या चार दरोडेखोरांना (Kalyan Railway Police) कल्याण रेल्वे पोलिसांनी बेड्या ठोकल्या आहेत. तर पोलीस पाचव्या आरोपीच्या शोधात आहेत. विशेष म्हणजे या पाचही दरोडेखोरांची दहा दिवसापूर्वीच जेलमधून जामीनावर सुटका झाली होती. सुटून आल्यावर अवघ्या दहा दिवसांनी पुन्हा दरोडे टाकण्याचा प्रयत्न त्यांनी केला आहे. मात्र, त्यांचा हा प्रयत्न रेल्वे पोलिसांनी हाणून पाडला आहे (Kalyan Railway Police Arrested Four Robbers Who Try To Robber In Train Who Release On Bail Before 10 Days).
नेमकं काय घडलं?
कल्याण-इगतपूरी दरम्यान अनेकदा लांब पल्ल्याच्या गाड्यांमध्ये प्रवाशांना लूटण्याच्या घटना घडलेल्या आहेत. कल्याण रेल्वे पोलिसांना माहिती मिळाली की, काही जण 3 मे रोजीच्या पहाटे उत्तर भारताकडे जाणाऱ्या कुशीनगर एक्सप्रेसमध्ये प्रवाशांना लूटण्याच्या बेतात आहेत. हे पाचही जण कसाऱ्याच्या अलीकडे एका आरोबी जवळ जमणार आहेत. ज्या ठिकाणी गाडी स्लो होते. त्याठिकाणाहून हे गाडीत चढून प्रवाशांना लूटणार आहे. ही खात्रीलायक माहिती पोलिसांना मिळाली होती. ही माहिती मिळताच पोलिसांनी सापळा रचला.
त्यानंतर पोलिसांचे एक पथक कसारा स्थानकाच्या दिशने रवाना झाले. मिळालेल्या माहितीनुसार पाचही जण पोलिसांना दिसले. पोलिसांनी चार जणांना ताब्यात घेतले. मात्र, अंधाराचा फायदा घेत पाचवा आरोपी पळून गेला. अटक आरोपींची नावे प्रकाश सेवक, शंकर शहा, धनंजय शुक्ला, रईस शेख अशी आहेत. इम्रान खान हा आरोपी सध्या फरार आहे.
याबाबत कल्याण रेल्वे पोलीस ठाण्याच्या महिला पोलीस निरीक्षक अर्चना दुसाणे यांचे म्हणणे आहे की, हे चौघे आणि फरार असलेला आरोपी हे सराईत गुन्हेगार आहे. दहा दिवसांपूर्वीच एका चोरीच्या प्रकरणात या पाचही जणांची जेलमधून जामीनावर सुटका झाली होती. कुशीनगर एक्सप्रेसमध्ये हे पाचही जण प्रवाशांना लूटण्याच्या प्रयत्नात असल्याची माहिती मिळताच आम्ही सापळा रचून चार जणांना अटक केली आहे. पाचव्या आरोपीचा पोलीस शोध घेत आहेत.
औरंगाबादमध्ये आईची दोन चिमुकल्यांसह तिसऱ्या मजल्यावरुन उडी, नेमकं काय घडलं?https://t.co/VbpKFteoAT#Aurangabad #AurangabadCrime #Crime #AurangabadSuicide #Suicide
— TV9 Marathi (@TV9Marathi) May 3, 2021
Kalyan Railway Police Arrested Four Robbers Who Try To Robber In Train Who Release On Bail Before 10 Days
संबंधित बातम्या :
उन्हाळ्यात मुख्य दार उघडं ठेवून झोपताय? चोरांनी मोबाईल-टीव्हीसह घर धुवून नेलं
VIDEO | बायकोसमोर शाईनिंग, लग्नाच्या वाढदिवशी तलवारीने केक कापला, नवरोबाला बेड्या