CCTV | बाईकला वाचवण्याच्या प्रयत्नात कारचा भीषण अपघात, पाच सेकंदात गाडी सात वेळा पलटी

बाईक चालकाला वाचवण्यासाठी प्रयत्न करताना हा अपघात झाला. यावेळी कार विरुद्ध दिशेला जाऊन पलटली. अवघ्या पाच सेकंदाच्या काळात ही गाडी तब्बल सात वेळा पलटी झाली

मध्य प्रदेशात कारचा भीषण अपघातImage Credit source: टीव्ही9

Anish Bendre | Updated on: Feb 28, 2022 | 2:13 PM

भोपाळ : मध्य प्रदेशात SUV कारचा भीषण अपघात (Car Accident) झाल्याची घटना उघडकीस आली आहे. बाईक चालकाला वाचवण्यासाठी प्रयत्न करताना हा अपघात झाला. यावेळी कार विरुद्ध दिशेला जाऊन पलटली. अवघ्या पाच सेकंदाच्या काळात ही गाडी तब्बल सात वेळा पलटी झाल्याचं पाहायला मिळत आहे. या भीषण अपघातात तिघा जणांचा जागीच मृत्यू झाला. मध्य प्रदेशात (Madhya Pradesh) धार जिल्ह्यातील अंबाडा गावाजवळ हा अंगावर थरकाप उडवणारा अपघात झाला. या भीषण अपघाताची दृश्यं परिसरातील सीसीटीव्ही कॅमेरामध्ये (CCTV Camera) कैद झाली आहेत.

बाईकला वाचवताना गाडीवरील नियंत्रण सुटलं

मध्य प्रदेशात SUV कारचा भीषण अपघात झाल्याची घटना समोर आली आहे. समोरुन येणाऱ्या बाईकला वाचवण्याच्या नादात हा अपघात झाल्याचं बोललं जात आहे. यावेळी गाडीवरील नियंत्रण सुटलं आणि कार विरुद्ध दिशेला जाऊन पलटली.

पाच सेकंदात सात वेळा गाडी उलटली

पाच सेकंदाच्या काळात ही गाडी तब्बल सात वेळा पलटी झाल्याचं व्हिडीओमध्ये पाहायला मिळत आहे. या भीषण अपघातात तिघा जणांचा जागीच मृत्यू झाला.

मध्य प्रदेशात धार जिल्ह्यातील अंबाडा गावाजवळ हा अंगावर थरकाप उडवणारा अपघात झाला. या भीषण अपघाताची दृश्यं परिसरातील सीसीटीव्ही कॅमेरामध्ये कैद झाली आहेत.

पाहा व्हिडीओ :

CCTV | मध्य प्रदेशात कारचा भीषण अपघात, बाईकला वाचवण्याच्या प्रयत्नात गाडी सात वेळा पलटी #MadhyaPradesh | #SUV | #Car | #Accident | #Bike | #CCTV pic.twitter.com/QOeO9BB0yA

— TV9 Marathi (@TV9Marathi) February 28, 2022