Father Murder | मित्राच्या मदतीने बापाची हत्या, आईची पोलिसात तक्रार, बारा तासात दोघे गजाआड

तरुणाने मित्राच्या मदतीने पित्याची हत्या केल्याची घटना नांदेड शहरातील धर्माबाद पोलीस ठाण्याच्या हद्दीत घडली आहे. तेलंगणा राज्यातील निर्मल जिल्ह्यातील शंकर बोनगुलवार यांचा मृतदेह धर्माबाद पोलिस ठाण्याच्या हद्दीत रेल्वे रुळांवर आढळला होता,

Father Murder | मित्राच्या मदतीने बापाची हत्या, आईची पोलिसात तक्रार, बारा तासात दोघे गजाआड
आरोपी मुलगा (डावीकडे) आणि त्याचा मित्र
Image Credit source: टीव्ही9
राजीव गिरी

| Edited By: अनिश बेंद्रे

Mar 25, 2022 | 8:22 AM

नांदेड : मित्राच्या मदतीने तरुणाने जन्मदात्या पित्याची हत्या (Father Murder) केली. नांदेडमध्ये धर्माबाद पोलीस ठाण्याच्या हद्दीत (Nanded Crime) ही घटना उघडकीस आली आहे. पोलिसांनी दोन्ही आरोपींना अवघ्या बारा तासांच्या आत अटक केली आहे. तेलंगणा राज्यातील (Telangana) निर्मल जिल्ह्यातील शंकर बोनगुलवार यांचा मृतदेह रेल्वे रुळांवर आढळला होता. मयत व्यक्तीच्या पत्नीच्या म्हणजेच आरोपीच्या आईच्या फिर्यादीवरुन या प्रकरणी पोलिसांनी गुन्हा दाखल केला होता. त्यानंतर मुलगा विठ्ठल बोनगुलवार आणि त्याचा मित्र कांशीराम रॅपनवाड या दोघांना पोलिसांनी बेड्या ठोकल्या आहेत. किरकोळ घरगुती कारणावरुन ही हत्या करण्यात आल्याचा आरोप आहे.

काय आहे प्रकरण?

तरुणाने मित्राच्या मदतीने पित्याची हत्या केल्याची घटना नांदेड शहरातील धर्माबाद पोलीस ठाण्याच्या हद्दीत घडली आहे. तेलंगणा राज्यातील निर्मल जिल्ह्यातील शंकर बोनगुलवार यांचा मृतदेह धर्माबाद पोलिस ठाण्याच्या हद्दीत रेल्वे रुळांवर आढळला होता, त्यानंतर पोलिसांनी तपास करत हत्येच्या घटनेचा छडा लावला आहे.

पत्नीच्या फिर्यादीवरुन गुन्हा

मयत शंकर बोनगुलवार यांच्या पत्नीच्या फिर्यादीवरुन या प्रकरणी पोलिसांनी गुन्हा दाखल केला. बोनगुलवार यांचा मुलगा विठ्ठल आणि त्याचा मित्र कांशीराम रॅपनवाड या दोघांनाही अटक करण्यात आली.

किरकोळ घरगुती वादात हत्या

जन्मदात्याला संपवण्यासाठी त्याची हत्या करत रेल्वे रुळांवर त्यांचा मृतदेह टाकून पुरावा नष्ट करण्याचा प्रयत्न करण्यात आला होता. या घटनेने नांदेडमध्ये एकच खळबळ उडाली आहे. किरकोळ घरगुती वादातून ही हत्या झाल्याचे पोलीस तपासात उघड झाले आहे.

संबंधित बातम्या :

 तीन आठवड्यांपासून बेपत्ता, पालघरमध्ये इंजिनिअरिंगच्या विद्यार्थ्याचा कुजलेला मृतदेह सापडला

लंडनमध्ये भारतीय वंशाच्या तरुणीची हत्या, 22 वर्षीय बॉयफ्रेण्डला अटक

आमच्या घराला आग लावलेय, तरुणाचा मित्राला फोन; नवदाम्पत्यासह आठ जणांचे कोळसा झालेले मृतदेह सापडले

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें