देवदर्शन करुन परतणाऱ्यांवर काळाचा घाला! अक्कलकोट-गाणगापूर रोडवर भीषण अपघात, 5 जण जागीच ठार

अपघातानंतर गाडीतच अडकून पडले होते मृतदेह

Image Credit source: TV9 Marathi

सोलापूर : अक्कलकोट-गाणगापूर रोडवर (Akkalkot-Gangapur Road) कारचा भीषण अपघात (Major Road Accident) झाला आहे. या अपघातामध्ये 04 महिला आणि 01 चालक असे एकूण 05 जण जागीच ठार झालेत. अहमदनगरहून गाणगापूरला दर्शनासाठी गेले होते. गाणगापूरहून परत अहमदनगरला परतत असताना चालकाचा गाडीवरून ताबा सुटल्याने हा अपघात झाला. या अपघातात गाडी झाडावर आदळली आणि पाच जण जागीच ठार झालेत. अपघातातील पाचही जणांचे मृतदेह शवविच्छेदनासाठी कर्नाटकातील (Karnataka) अफझलपूर शासकीय रुग्णालयात पाठवण्यात आले आहेत. कर्नाटकातील अफझलपूर पोलीस या अपघाताचा पुढील तपास करत आहेत. अक्कलकोट गाणगापूर रोडवर बळोरगी जवळ हा अपघात झाला.

कारचा चक्कचूर!

MH 16 BH 5392 असा गाडीचा नंबर आहे. शिकाऊ चिन्ह असलेलं ‘L’ असं देखील गाडीच्या मागच्या काचेवर दिसून आलं आहे. डॅटसन गो प्लस या गाठीतून हे सर्वजण प्रवास करत होते. दरम्यान, गाडीनं समोरच्या बाजूनंच झाडाला धडक दिली आणि यात कारचा चक्काचूर झालाय. तर गाडीतील पाच जणांना जबर मार लागून त्यांचाही जागीच मृत्यू झाला आहे.

मृतामध्ये चार महिलांचा समावेश

अपघाताची माहिती मिळाल्यानंतर स्थानिकांनीच घटनास्थळी धाव घेतली. यानंतर स्थानिकांनी गाडीतील मृतदेह बाहेर काढलेत. मृतांमध्ये चार महिलांचा समावेश आहे. तर एक पुरुष चालकाचाही मृत्यू झाला आहे.

रक्तबंबाळ अवस्थेत गाडीतच प्रवाशांचे मृतदेह अडकून पडले होते. तर गाडी रस्ता साडून एका बाजूला कलंडली होती. गाडीच्या मागच्या आणि पुढच्या दोन्ही काचा फुटल्या होत्या. दरम्यान, आता पोलिस या अपघाताबाबत अधिक तपास करत आहेत. सध्या अपघातातील सर्व मृतदेह हे शवविच्छेदनासाठी रुग्णालयात पाठवण्यात आले आहेत.

पाहा अपघातानंतरचे अंगावर काटा आणणारा फोटो :

संबंधित बातम्या :

PHOTO | बुलडाण्यात सवर्णा फाट्यावर विचित्र अपघात, सुदैवाने जीवितहानी टळली

अकोल्यात दोघांचे अपहरण करणाऱ्या 3 खंडणी बहाद्दरांना पोलिसांनी केली अटक

जुन्या वादातून तीन सख्ख्या भावांवर हल्ला, दोघांचा मृत्यू, बारा वर्षांनी आरोपीला शिक्षा