वाशी खाडी पुलावरुन आत्महत्येचा प्रयत्न, वाहतूक पोलिसांच्या प्रसंगावधानाने तरुण बचावला

नवी मुंबईतील आत्महत्येचा प्रयत्न करणाऱ्या व्यक्तीचे प्राण वाचवणारे वाहतूक पोलीस शहाजी फटांगरे, राजेंद्र दांडेकर यांचं वरिष्ठ पोलीस अधिकाऱ्यांनी कौतुक केलं.

वाशी खाडी पुलावरुन आत्महत्येचा प्रयत्न, वाहतूक पोलिसांच्या प्रसंगावधानाने तरुण बचावला
Vashi Creek Flyover

नवी मुंबई : वाशी खाडी पुलावरुन (Vashi Creek Flyover) उडी मारुन आत्महत्या करण्याचा प्रयत्न करणाऱ्या व्यक्तीला वाचवण्यात यश आलं आहे. नवी मुंबईतील वाहतूक पोलिसांनी प्रसंगावधान राखत कोळी बांधवांच्या मदतीने या व्यक्तीचे प्राण वाचवले. सध्या त्याच्यावर सरकारी रुग्णालयात उपचार सुरु आहेत.

नवी मुंबईत राहणारी संबंधित व्यक्ती आत्महत्या करण्याचा प्रयत्न करत असल्याचे समोर आले होते. नेरुळ भागात राहणाऱ्या या व्यक्तीने वाशी खाडी पुलावरुन उडी मारुन आत्महत्या करण्याचा प्रयत्न केला. आज (शुक्रवारी) सकाळी 11 वाजताच्या सुमारास ही घटना घडली.

नेमकं काय घडलं?

वाहतूक पोलिस शहाजी फटांगरे, राजेंद्र दांडेकर यांनी आत्महत्येचा प्रयत्न करणाऱ्या व्यक्तीला पाहिले. त्यामुळे पोलिसांनी तातडीने हालचाली करत धाव घेतली. त्यानंतर कोळी बांधवांच्या मदतीने या व्यक्तीचा जीव वाचवण्यात यश आले.

रुग्णालयात उपचार सुरु

दरम्यान, नवी मुंबईतील महापालिका रुग्णालयात संबंधित व्यक्तीवर उपचार सुरू आहेत. या व्यक्तीचे प्राण वाचवणारे वाहतूक पोलीस शहाजी फटांगरे, राजेंद्र दांडेकर यांचं वरिष्ठ पोलीस अधिकाऱ्यांनी कौतुक केलं.

आंबोलीत खोल दरीत उडी मारुन आत्महत्येचा प्रयत्न

काही दिवसांपूर्वीच, सिंधुदुर्गातील आंबोलीत खोल दरीत उडी मारुन आत्महत्येचा प्रयत्न करणाऱ्या युवतीला रेस्क्यू टीमने जीवदान दिलं. रिक्षा चालकाच्या प्रसंगावधानामुळे 24 वर्षीय तरुणीचा जीव वाचला. तरुणीने जवळपास दोनशे फूट खोल दरीत उडी घेतली होती. मात्र वेळीच मदत मिळाल्यामुळे तिला दरीतून सुखरुप बाहेर काढण्यात यश आले.

संबंधित बातम्या 

प्रेयसीचं लग्न ठरल्याने नाराजी, नायर रुग्णालयातील 26 वर्षीय डॉक्टरच्या आत्महत्येचं गूढ उकललं

आंबोलीत 24 वर्षीय तरुणीचा आत्महत्येचा प्रयत्न, रिक्षाचालकाचे प्रसंगावधान, दोनशे फूट खोल दरीतून बचाव

(Navi Mumbai Man attempts Suicide by jumping from Vashi Creek Flyover)

Read Full Article

Click on your DTH Provider to Add TV9 MARATHI