मुंबईत मुलगी प्रियकरासोबत पळाली, आईकडून पोटच्या लेकराची हत्या केल्याची कबुली, मग न्यायालयाकडून जामीन का? वाचा…

पोटची 23 वर्षाची मुलगी प्रियकरासोबत घरातून पळून जात असल्याच्या रागातून एका आईने तिची हत्या केल्याची कबुली दिली. मात्र, मुंबई उच्च न्यायालयाने आरोपी 40 वर्षीय महिलेला जामीन मंजूर केलाय.

मुंबईत मुलगी प्रियकरासोबत पळाली, आईकडून पोटच्या लेकराची हत्या केल्याची कबुली, मग न्यायालयाकडून जामीन का? वाचा...
मुंबई उच्च न्यायालय
Follow us
| Updated on: May 21, 2021 | 11:53 AM

मुंबई : पोटची 23 वर्षाची मुलगी प्रियकरासोबत घरातून पळून जात असल्याच्या रागातून एका आईने तिची हत्या केल्याची कबुली दिली. मात्र, मुंबई उच्च न्यायालयाने आरोपी 40 वर्षीय महिलेला जामीन मंजूर केलाय. हे ऐकून तुम्हाला आश्चर्य वाटेल मात्र त्यामागं कारणंही तसंच आहे. या महिलेने मुलीच्या हत्येचा दावा केला असला तरी या प्रकरणातील एका प्रत्यक्षदर्शीने ही हत्या आईने केली नसून सहआरोपी भावाने केल्याचं सांगितलं. त्यामुळे या आईचा आरोपी मुलाला वाचवण्याचा प्रयत्न मात्र अपयशी ठरला. आरोपी भावाने बहिण पळून जात असल्याच्या रागातून तिला पकडून तिच्याच ओढणीने तिचा गळा आवळून हत्या केली आहे (Mumbai High Court grant bail to accused mother in murder of daughter for love).

न्यायालयाने या आरोपी महिलेला जामीन देताना म्हटलं, “प्रत्यक्षदर्शी साक्षीदारांने आपल्या जबाबात सहआरोपीने बहिणीचा गळा आवळून हत्या केल्याचं सांगितलंय. तसेच आरोपी महिला पीडितेच्या पायावर बसलेली होती.” आरोपी महिला आहे आणि वास्तवातील घडलेल्या बाबींचा विचार केल्यास या महिलेला आणखी ताब्यात ठेवण्याची गरज नाही, असंही कोर्टाने म्हटलं आहे.

नेमकं प्रकरण काय आहे?

23 वर्षीय पीडित मुलगी आपल्या कुटुंबाच्या इच्छेविरूद्ध एका मुलावर प्रेम करत होती. प्रेयकराबरोबर घरातून पळून जात असताना कुटुंबियांनी मुलीला पकडले आणि तिच्याच ओढणीने गळा आवळून खून केला. यानंतर पीडितेची आई पप्पू वाघेला यांनी स्वतः दक्षिण मुंबईतील पायडोनी पोलीस स्टेशन गाठलं आणि मुलीची हत्या केल्याची कबुली दिली. त्यानंतर तेथील पोलिस ठाण्यात हत्येचा गुन्हा दाखल करण्यात आला.

पुढे तपासात आरोपी महिलेच्या जावयाने पीडितीची हत्या सासूने केली नसल्याचं सांगितलं. तसेच ही हत्या आपल्या मेव्हण्याने गळा दाबून केल्याचं पाहिलं असल्याचंही नमूद केलं. यानंतर पोलिसांनी तात्काळ पीडितेचा भाऊ आकाश वाघेला याला अटक केली. प्रत्यक्षदर्शी जावयाने आपल्या जबाबात म्हटलं, “मी 17 नोव्हेंबर 2019 रोजी अर्जदाराच्या घरी पोहोचलो तेव्हा दरवाजा बंद केलेला होता. त्यानंतर मी जेव्हा धक्का देऊन दरवाजा उघडला तेव्हा मेव्हुणी जमिनीवर पडलेली होती आणि पप्पू वाघेला आपल्या मुलीच्या पायावर उभी होती. तसेच मेव्हुणा आकाश मुलीचा गळा आवळत होता.”

मृत मुलीच्या दुसऱ्या भावाने देखील याला दुजोरा दिला. आपला आरोपी भाऊ हत्या झाली त्या दिवशी 17 नोव्हेंबर रोजी रडत घराबाहेर आला आणि त्याने बहिणीची गळा आवळून हत्या केल्याची कबुली दिली असल्याचं पोलिसांना सांगितलं.

आरोपी भावाकडून बनाव, पोलीस तपासात सत्य उघड

ही घटना अचानक घडली असा युक्तिवाद आरोपीचे वकील सय्यद अब्बास यांनी केला. मात्र, प्रत्यक्षदर्शीने आरोपीने आपल्या मुलीचा गळा दाबून हत्या केली नसल्याचं म्हटलं. सहाय्यक सरकारी वकील (एपीपी) ए. ए. आर. कपडणीस यांनी आईने हत्येची कबुली केल्याचा युक्तीवाद केला. मात्र, कोर्टाने प्रत्यक्षदर्शीच्या जबाबावर विश्वास ठेवून 25,000 रुपयांचा वैयक्तिक ओळखपत्र (पीआर बाँड) आणि त्याच रकमेच्या एक किंवा दोन जामिनदाराच्या अटीवर आरोपी पप्पू वाघेला यांना जामीन मंजूर केला.

हेही वाचा :

आंतरजातीय प्रेमसंबंधाचा राग, उशीने तोंड दाबून मुलीची हत्या

रात्रीच्या सुमारास घरी, प्रेयसीच्या कुटुंबाची मारहाण, प्रियकराचा मृत्यू

प्रेम प्रकरणातून खुनाच्या घटनेत 28 टक्क्यांनी वाढ, महाराष्ट्र पहिल्या क्रमांकावर

व्हिडीओ पाहा :

Mumbai High Court grant bail to accused mother in murder of daughter for love

Non Stop LIVE Update
अजित पवार नालायक माणूस, वयस्कर माणसाची....सख्खा भाऊ दादांच्या विरोधात
अजित पवार नालायक माणूस, वयस्कर माणसाची....सख्खा भाऊ दादांच्या विरोधात.
भाजपला पक्षचिन्ह कमळ नाहीतर हातोडा द्या, ठाकरेंचा फडणवीसांवर हल्लाबोल
भाजपला पक्षचिन्ह कमळ नाहीतर हातोडा द्या, ठाकरेंचा फडणवीसांवर हल्लाबोल.
चिंता करु नका...महायुतीच्या जागावाटपाबाबत मुख्यमंत्र्यांचं मोठ वक्तव्य
चिंता करु नका...महायुतीच्या जागावाटपाबाबत मुख्यमंत्र्यांचं मोठ वक्तव्य.
इंडिया आघाडीची सभा म्हणजे फॅमिली गॅदरिंग अन्... शिंदेंचा घणाघात
इंडिया आघाडीची सभा म्हणजे फॅमिली गॅदरिंग अन्... शिंदेंचा घणाघात.
मग घाबरता कशाला? अजितदादांच्या 2019 च्या वक्तव्यावर शिवतारेंचं उत्तर
मग घाबरता कशाला? अजितदादांच्या 2019 च्या वक्तव्यावर शिवतारेंचं उत्तर.
लोकसभा लढवणार की नाही? शिवतारेंनी शिंदेंच्या भेटीनंतर केलं स्पष्ट
लोकसभा लढवणार की नाही? शिवतारेंनी शिंदेंच्या भेटीनंतर केलं स्पष्ट.
एवढी मोठी हस्ती, जीवाला धोका;कडूंनी उडवली राणांच्या वक्तव्याची खिल्ली
एवढी मोठी हस्ती, जीवाला धोका;कडूंनी उडवली राणांच्या वक्तव्याची खिल्ली.
टाईमपास,फुलस्टॉप, केहना क्या चाहते हो; गांधींच्या सभेवर सामंतांची टीका
टाईमपास,फुलस्टॉप, केहना क्या चाहते हो; गांधींच्या सभेवर सामंतांची टीका.
शरद पवार गटाकडून कोण लढणार लोकसभा? संभाव्य उमेदवारांची यादी tv9 कडे
शरद पवार गटाकडून कोण लढणार लोकसभा? संभाव्य उमेदवारांची यादी tv9 कडे.
भाजपला स्वतःची पोरं नाही, ते दुसऱ्यांच्या... राऊतांचा भाजपवर निशाणा
भाजपला स्वतःची पोरं नाही, ते दुसऱ्यांच्या... राऊतांचा भाजपवर निशाणा.