Jaipur Crime: विवाहित प्रेयसीला भेटण्यासाठी दिल्लीहून जयपूरला आलेल्या प्रियकराला चाकूने भोसकले

Jaipur Crime: विवाहित प्रेयसीला भेटण्यासाठी दिल्लीहून जयपूरला आलेल्या प्रियकराला चाकूने भोसकले
प्रातिनिधीक फोटो

दिल्लीचा रहिवासी तरुण जयपूरमध्ये राहणाऱ्या आपल्या विवाहित मैत्रिणीला भेटण्यासाठी सकाळी बसने जयपूरला आला. महिलाही आपल्या जुन्या प्रियकराला भेटण्यासाठी तिथे पोहोचली होती. मात्र हे सर्व महिलेच्या पतीला कळले. पतीही पत्नीचा पाठलाग करीत तिच्या मागे मागे जात तेथे पोहोचला.

टीव्ही 9 मराठी डिजीटल टीम

| Edited By: वैजंता गोगावले, टीव्ही 9 मराठी डिजीटल टीम

Dec 22, 2021 | 12:36 AM

जयपूर : विवाहित प्रेयसीला दिल्लीहून जयपूरला आलेल्या प्रियकराची महिलेच्या पतीने चाकूने भोसकून हत्या केल्याची घटना जयपूरमधील विश्वकर्मा पोलीस स्टेशन परिसरात घडली आहे. हत्या केल्यानंतर आरोपी घटनास्थळावरुन फरार झाला असून पोलीस त्याचा शोध घेत आहेत. पोलिसांनी घटनास्थळी धाव घेत मतदेह ताब्यात घेत स्थानिक रुग्णालयातील शवागृहात ठेवण्यात आला आहे. पोलीस या प्रकरणाचा कसून तपास करीत आहेत.

पोलिसांनी दिलेल्या माहितीनुसार, विश्वकर्मा परिसरातील रोड क्रमांक 17 वरील उद्योग विहार परिसरात आज पहाटे ही घटना घडली. दिल्लीचा रहिवासी तरुण जयपूरमध्ये राहणाऱ्या आपल्या विवाहित मैत्रिणीला भेटण्यासाठी सकाळी बसने जयपूरला आला. महिलाही आपल्या जुन्या प्रियकराला भेटण्यासाठी तिथे पोहोचली होती. मात्र हे सर्व महिलेच्या पतीला कळले. पतीही पत्नीचा पाठलाग करीत तिच्या मागे मागे जात तेथे पोहोचला.

प्रेयसीच्या पतीने चाकून भोसकले

दिल्लीतील हा तरुण पहाटे पाचच्या सुमारास विश्वकर्मा परिसरातील रोड क्रमांक 17 वरील उद्योग विहार येथे बसमधून उतरला होता. त्याची विवाहित प्रेयसी त्याला घेण्यासाठी बसस्थानकावर पोहोचली होती. मात्र दोघांची भेट होताच मागून महिलेचा पती तेथे आला आणि त्याने पत्नीच्या प्रियकराचा चाकूने वार करून खून केला. त्यानंतर तो तेथून पळून गेला.

थंडीमुळे लोकांची वर्दळ कमी होती

घटनेची वेळ पहाटेची होती आणि थंडी असल्यामुळे लोक बाहेर कमी होते. त्यामुळेच कोणाला पटकन माहिती मिळू शकली नाही. त्यानंतर घटनेची माहिती मिळताच पोलिसांनी घटनास्थळ गाठून घटनेची माहिती घेतली. पोलिसांनी मृतदेह ताब्यात घेतला. पोलीस पुढील तपास करीत आहेत.

नुकतेच आणखी एक प्रकरण घडले होते

जयपूरमध्ये नुकताच असाच एक प्रकार घडला होता. जयपूरच्या प्रतापनगर भागात एक तरुण आपल्या विवाहित मैत्रिणीसोबत अपार्टमेंटमध्ये राहत होता. मात्र महिलेचा नवरा तिला शोधत येथे गेला होता. पतीला दारात पाहून प्रेयसी आणि तरुण दोघेही घाबरले आणि प्रेयसीने तरुणाला गॅलरीत लपण्याचा सल्ला दिला. त्यानुसार तरुण गॅलरीत लपला होता. मात्र अधिक वेळ त्याला रेलिंगवर लटकल्यानंतर त्याचा हात सुटला आणि तो पाचव्या मजल्यावरुन खाली पडला. यामध्ये जागीच तरुणाचा मृत्यू झाला आहे.  (Murder of a lover who came to Jaipur from Delhi to meet his married girlfriend)

इतर बातम्या

Anil Deshmukh: चांदीवाल आयोगाने अनिल देशमुखांना ठोठावला 50 हजार रुपयांचा दंड, मुख्यमंत्री सहायता निधीत रक्कम जमा करण्याचे आदेश

Tamilnadu Crime: युट्यूबवर पाहून चोरट्याने ज्वेलर्सच्या दुकानातून लुटले तब्बल 10 कोटींचे सोने

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें