आईला शिवीगाळ केल्याचा राग, 21 वर्षीय तरुणाकडून शेजाऱ्याची गळा चिरुन हत्या
मध्यरात्रीच्या सुमारास दारुच्या नशेत कारची तोडफोड आणि आईलाही शिवागीळ करण्याचा वादावरुन हा प्रकार घडला. गळा चिरून हत्या केल्याची घटना भंडारा जिल्ह्यातील मोहाडी शहरातील गांधी वार्डात घडली.
तेजस मोहतुरे, टीव्ही 9 मराठी, भंडारा : आईला शिवीगाळ केली म्हणून मुलाने शेजाऱ्याचा खून केल्याचा प्रकार समोर आला आहे. 21 वर्षीय आरोपीने 49 वर्षीय शेजाऱ्याची गळा चिरुन हत्या केल्याचा आरोप आहे. आरोपी तरुणाने गुन्ह्याची कबुली देत आत्मसमर्पण केले आहे. भंडारा जिल्ह्यात ही धक्कादायक घटना उघडकीस आली आहे.
दारुच्या नशेत कारची तोडफोड
मध्यरात्रीच्या सुमारास दारुच्या नशेत कारची तोडफोड आणि आईलाही शिवागीळ करण्याचा वादावरुन हा प्रकार घडला. गळा चिरून हत्या केल्याची घटना भंडारा जिल्ह्यातील मोहाडी शहरातील गांधी वार्डात घडली. आरोपीने स्वतःच मोहाडी पोलीस स्टेशनमध्ये जाऊन आत्मसमर्पण केले.
शेजाऱ्यांचे एकमेकांच्या घरी येणे जाणे
मोहाडी येथील गांधी वार्डातील 49 वर्षीय मृतक गंगाधर उर्फ बंग्या नत्थु निमजे आणि 21 वर्षीय आरोपी आकाश विजय श्रीपाद यांची घरं एकमेकांच्या जवळच होती. त्यांचं नेहमी एकमेकांच्या घरी येणे जाणे होते. गंगाधर निमजे याने मद्यपान करून आरोपी आकाश श्रीपादच्या घरी जाऊन आईसोबत भांडण केले.
सायकलचा काटेरी कुंपण गेयर गळ्यावर मारला
एवढ्यावरच न थांबता त्याने समोर उभ्या असलेल्या मारुती ओम्नी कारची तोडफोड केली.यामुळे आकाश श्रीपादचा राग खूप अनावर झाला. रागाच्या भरात घरात असलेल्या सायकलचा काटेरी कुंपण गेयर संपूर्ण ताकदीने त्याने बंग्या नत्थु निमजेच्या गळ्यावर मारला. यामुळे घटनास्थळीच तो मृत्यू पावला.
आरोपीचे आत्मसमर्पण
21 वर्षीय आरोपी आकाश विजय श्रीपादने स्वतःच मोहाडी पोलीस ठाणे गाठून गुन्ह्याची कबुली देत आत्मसमर्पण केले आहे. पुढील तपास मोहाडी पोलीस करत आहेत.
संबंधित बातम्या :
पोटच्या मुलीवर वाईट नजर ठेवल्याचा राग, प्रियकराला पेट्रोल टाकून जिवंत जाळलं
मुंबईत आणखी एका सायको किलरची दहशत, 15 मिनिटात दगडाने ठेचून दोघा जणांची हत्या
