त्यानं आधी रस्त्यावर भाईगिरी केली, नंतर पोलिसांनी त्याच ठिकाणी येऊन पोलीसगिरी दाखविली, व्हिडिओ व्हायरल

नाशिक : गेल्या तीन ते चार दिवसांपासून नाशिक शहरात दोन व्हिडिओ मोठ्या प्रमाणात व्हायरल झाले आहे. त्यावरून पुणे पोलीसांच्या पाठोपाठ नाशिक पोलिसांचेही मोठ्या प्रमाणात स्वागत केले जात आहे. नाशिक शहरातील अंबड पोलिस ठाण्याच्या हद्दीत हा सर्व प्रकार घडल्याचे समोर आले आहे. पुण्यातील सिंहगड रोड परिसरात कोयता गॅंगच्या एकाला भर रस्त्यातच बेदम चोप दिल्याने पुणे पोलिसांचे जोरदार कौतुक केलं जात आहे. त्या पाठोपाठ नाशिक शहर पोलिसांचाही असाच व्हिडिओ समोर आला आहे. अवघ्या काही सेकंदाचा व्हिडिओ नाशिक पोलिसांचे कौतुक करत आहे. अनेक नागरिकांनी पोलीसांच्या या कृतीचे स्वागत केले आहे. यापूर्वीही नाशिकरोड भागात पोलीसांनी गुंडगिरी करणाऱ्या टोळीला बेदम चोप दिल्याचा व्हिडिओ समोर आला होता. नुकताच व्हायरल झालेला हा व्हिडिओ वर्षाच्या शेवटच्या दिवसाचा आहे. 31 डिसेंबरच्या पार्श्वभूमीवर रस्त्यावर धिंगाणा घालणाऱ्या तरुणाला नाशिक पोलीसांनी चांगलाच धडा शिकवला आहे.

नाशिक शहरातील नवीन नाशिक परिसरातील त्रिमूर्ती चौकात 31 डिसेंबरला एका मद्यपीने धुडगूस घातला होता. आणि त्यानंतर त्याला पोलीसांनी दिलेला त्याला चोप असे दोन्ही व्हिडिओ व्हायरल झाले आहे.

31 डिसेंबरच्या पार्श्वभूमीवर शहरात पोलीसांचा बंदोबस्त मोठ्या प्रमाणात तैनात होता. मात्र, अंबड परीसरात पोलिसांचा बंदोबस्त नसल्याचे पाहून एका तरुणाने धिंगाणा घातला.

रस्त्यावर भाईगिरी करत होता, नंतर पोलिसांनी दिला चोप, व्हिडीओ सोशल मीडियावर व्हायरल #police #nashik #ViralVideo pic.twitter.com/yBHGiyHI4Z

— Kiran Balasaheb Tajne (@kirantajne) January 3, 2023

मद्यपी तरुणाकडून वाहनचालकांना शिवीगाळ करणे, धमकी देऊन पैसे मागितल्याचा प्रकार समोर आला होता, त्रिमूर्ति चौकात हा सर्व प्रकार घडला असून याचे चित्रीकरण देखील नागरिकांनी केले होते.

याशिवाय आपल्याजवळ शस्त्र असल्याचा धाक दाखवत पादचारी तसेच वाहनचालकांकडून पैशाची मागणी तो करत होता. त्याच वेळी नागरिकांनी ही बाब पोलिसांना कळवली होती.

अंबड पोलीसांनी तात्काळ तरुणांचा शोध घेत दहशत माजवणाऱ्या भाई चांगलाच चोप दिला आहे. या घटनेचे व्हिडीओ सोशल मीडियावर व्हायरल झाले आहेत.