पुण्यात सराईत वाहनचोर अटकेत, 51 दुचाकींसह 36 लाखांचा मुद्देमाल जप्त

20 वर्षीय शंकर जगले आणि 35 वर्षीय संतोष घारे अशी अटक केलेल्या आरोपींची नावे आहेत. तळेगाव दाभाडे इथं मोठ्या प्रमाणात वाहन चोरी होत असल्याचे समोर आल्याने तपास केला असता पोलिसांनी त्यांना अटक केली.

पुण्यात 51 दुचाकी चोरणारे दोघे गजाआड

Reporter Ranjeet Jadhav | Edited By: Anish Bendre | Updated on: Nov 04, 2021 | 9:04 AM

पिंपरी चिंचवड : पिंपरी चिंचवडमध्ये वाहन चोरी करणाऱ्या दोन सराईत गुन्हेगारांना पोलिसांनी अटक केली आहे. पिंपरी चिंचवड पोलिसांच्या दरोडा विरोधी पथक आणि गुन्हे शाखेच्या संयुक्त कारवाईत दोघांना बेड्या ठोकण्यात आल्या आहेत.

काय आहे प्रकरण?

20 वर्षीय शंकर जगले आणि 35 वर्षीय संतोष घारे अशी अटक केलेल्या आरोपींची नावे आहेत. तळेगाव दाभाडे इथं मोठ्या प्रमाणात कार चोरी होत असल्याचे समोर आल्याने तपास केला असता पोलिसांनी त्यांना अटक केली.

36 लाख रुपयांचा मुद्देमाल हस्तगत

त्यांच्याकडून 51 दुचाकी-रिक्षा आणि मोबाईल असा एकूण तब्बल 36 लाख रुपयांचा मुद्देमाल हस्तगत करण्यात आला आहे. आरोपी संतोष घारे याच्यावर वाहन चोरीचे 200 हून अधिक गुन्हे दाखल आहेत.

पाच सराईत गुन्हेगारांना अटक

दुसरीकडे, पिंपरी चिंचवडमध्ये पाच सराईत गुन्हेगारांना अटक करून त्यांच्याकडून आठ पिस्तुल, एक रिव्हॉलर आणि 11 जिवंत काडतूसे हस्तगत करण्यात आली आहेत. ही कामगिरी गुन्हे शाखेच्या खंडणी विरोधी पथकाने केली आहे

प्रताप ऊर्फ बाळ्या पवार, पंकज ऊर्फ बंडा पारीख, गौरव डोंगरे, शंकर वाडेकर आणि अजय सातपुते अशी अटक करण्यात आलेल्या आरोपींची नावे आहेत. हे पाचही आरोपी सराईत असून त्यांच्याकडून हा सर्व मुद्देमाल जप्त करण्यात आला आहे.