दरवाजा तोडून बंगल्यात घुसले, 1.5 लाख रोकड, चांदीसह 15 तोळं सोनं लुटले, दरोडेखोरांचा धुमाकूळ
'आशा' नावाच्या बंगल्याचं दार तोडून रात्री एकूण सहा दरोडेखोर हे बंगल्यामध्ये घुसले. दरवाजा कुणीतली तोडल्याचा आवाज आल्यानं राजेंद्र गायकवाड यांना जाग आली. त्यावेळी दरोडेखोरांना पाहून त्यांच्याही पायाखालची जमीन सरकली.
पुणे : इंदापूर तालुक्याच्या (Indapur District, Pune) पश्चिम भागात दरोडेखोरांचा धुमाकूळ सुरु आहे. अनेकजण दरोडेखोरांमुळे धास्तावले असून आता एका साखर कारखान्याच्या माजी संचालकाच्या बंगल्यावरच दरोडा टाकण्यात आल्याची घटना समोर आली आहे. यात तब्बल दीड लाख रुपयांची (1.50 Lakh) रोख रक्कम, चांदी (Silver) आणि तब्बल 15 तोळं सोनं (Gold) दरोडेखोरांनी (Robbers) लुटलं. या दरोड्यात बंगल्याच्या मालकावरही हल्ला करण्यात आला. या दरोडेखोरांना पकडण्याचं आव्हान सध्या पोलिसांसमोर (Police) उभं ठाकलंय.
कुणाच्या बंगल्यावर दरोडा?
कर्मयोगी सहकारी साखर कारखान्याचे माजी संचालक राजेंद्र गायकवाड (Rajendra Gaikwad) यांच्या बंगल्यावर दरोडेखोरांनी रात्री दरोडा टाकला. रत्नपुरीत जवळील गायकवाड वस्ती इथं राजेंद्र गायकवाड यांचा बंगला आहे. त्यांच्या ‘आशा’ नावाच्या बंगल्याचं दार तोडून रात्री एकूण सहा दरोडेखोर बंगल्यामध्ये घुसले. दरवाजा कुणीतली तोडल्याचा आवाज आल्यानं राजेंद्र गायकवाड यांना जाग आली. त्यावेळी दरोडेखोरांना पाहून त्यांच्याही पायाखालची जमीन सरकली.
राजेंद्र यांनी लाकडी काठीनं दरोडेखोरांना पळवून लावण्याचा प्रयत्न केला. मात्र दरोडेखोरांनी धारधार शस्त्रांनी राजेंद्र गायकवाड यांच्या कपाळावर जोरदार प्रहार केला. यात राजेंद्र गायकवाड हे गंभीर जखमी झालेत. त्यांच्या कपाळाला गंभीर जखमी झाली असून त्यांना सहा टाके पडले आहे.
दरोडेखोरांनी यावेळी बंगल्यातील दीड लाख रुपये रोकड लंपास केली आहे. सोबतच बंगल्यातील तब्बल 15 तोळं सोन्यावरही हात साफ केला असून चांदीही दरोडेखोरांनी चोरली आणि बंगल्यातून पळ काढलाय. मध्यरात्री दोन वाजण्याच्या सुमारास ही घटना घडली.
दरोडेखोरांना पकडण्याचं आव्हान
दरम्यान, या दरोड्याबाबत कळताच पोलीस प्रशासनही सतर्क झालं आहे. पोलिसांनी दरोडेखोरांना पकडण्यासाठी टीम तैनात केल्या असूस दरोडेखोरांचा शोध सुरु आहे. इंदापुरातल्या पश्चिम भागामध्ये धुमाकूळ घालणाऱ्या या दरोडेखोरांना पकडण्याचं मोठं आव्हान सध्या पोलिसांसमोर उभं ठाकलंय.
संबंधित बातम्या –
Kanpur raid Piyush Jain: अब्जोंची कॅश बाळगणारे पियुष जैन आता तुरुंगात झोपत आहेत फरशीवर
डोक्यात हातोड्याने वार, जावयाकडून राहत्या घरी सासूची हत्या
