Kanpur raid Piyush Jain: अब्जोंची कॅश बाळगणारे पियुष जैन आता तुरुंगात झोपत आहेत फरशीवर
पियुष जैन यांना चौकशीसाठी कानपूरच्या काकादेव पोलीस ठाण्यात ठेवण्यात आले होते. तेथे व्यापारी पियुष जैन सोमवारी सकाळी तो एका खोलीत ब्लँकेट घालून जमिनीवर झोपलेला आढळून आला. पोलीस ठाण्याच्या आवारात बांधलेल्या महिला हेल्प डेस्कच्या केबिनमध्ये त्यांना झोपण्यासाठी जागा देण्यात आली होती.
नवी दिल्ली : कानपूरचे प्रसिद्ध व्यापारी पियुष जैन यांच्या घरावर शुक्रवारपासून प्राप्तीकर विभागाची छापेमारी सुरु आहे. आतापर्यंत या छापेमारीत 257 कोटींहून अधिक रोख रक्कम आणि मोठ्या प्रमाणात सोने-चांदी जप्त करण्यात आली आहे. तसेच अनेक महत्वाची कागदपत्रे यावेळी प्राप्तीकर विभागाच्या हाती लागले आहेत. रविवारी पियुष जैन यांची 50 तासांहून अधिक काळ चौकशी झाली. त्यानंतर जैन यांना अटक करण्यात आली.
पियुष जैन यांना चौकशीसाठी कानपूरच्या काकादेव पोलीस ठाण्यात ठेवण्यात आले होते. तेथे व्यापारी पियुष जैन सोमवारी सकाळी तो एका खोलीत ब्लँकेट घालून जमिनीवर झोपलेला आढळून आला. पोलीस ठाण्याच्या आवारात बांधलेल्या महिला हेल्प डेस्कच्या केबिनमध्ये त्यांना झोपण्यासाठी जागा देण्यात आली होती. ज्या व्यावसायिकाच्या कपाटात कोट्यवधी रुपये होते, त्याला तपास यंत्रणांच्या ताब्यात पहिली रात्र जमिनीवर झोपून काढावी लागली. वैद्यकीय तपासणीनंतर पीयूष जैन यांना आज कानपूर न्यायालयात हजर करण्यात येणार होते.
वडिलोपार्जित घरावर छापेमारी सुरू
सोमवारीही तपास यंत्रणांची छापेमारी सुरुच आहे. पीयूष जैन यांच्या वडिलोपार्जित निवासस्थानावर प्राप्तीकर विभाग छापे टाकत आहेत. तेथे डीजीजीआयच्या टीमसोबत एसबीआयची टीमही तीन नोट मोजणी मशिनसह उपस्थित आहे. सोमवारी सायंकाळपर्यंत नोटांची मोजणी सुरू राहणार असून, त्यानंतर रात्री उशिरा एकूण किती रक्कम जप्त करण्यात आली, याची माहिती समोर येईल.
खजिना सापडला
पियुष जैनच्या घरावर आतापर्यंत टाकलेल्या छाप्यांमध्ये 257 कोटी रुपये रोख, अनेक किलो सोने, 16 मौल्यवान मालमत्तेची कागदपत्रे सापडली असून त्यात कानपूरमधील 4, कन्नौजमधील 7, मुंबईतील 2, दिल्लीतील 1 मालमत्तेचा समावेश आहे. मिळालेल्या माहितीनुसार, पियुष जैन यांनी देशाबाहेर दुबईमध्ये दोन मालमत्ताही खरेदी केल्या आहेत.
पियुष जैनच्या घरावर 22 डिसेंबर रोजी छापे टाकण्यास सुरुवात झाली तेव्हा तो वडिलांच्या उपचारासाठी दिल्लीत होता. तपास पथकाने बोलावल्यानंतर पियुष जैन दिल्लीहून कानपूरला हजर झाले. पियुष जैन आपला पैशाबाबत तपास यंत्रणा आणि लोकांची नजर चुकवण्यासाठी दोन जुन्या कारचा वापर करीत असत. त्यांना नवीन आणि महागड्या गाड्यांचा शोक नव्हता. एवढेच नाही तर आपले सत्य लपवण्यासाठी पियुष जैन दर एक-दीड वर्षात सर्वच ठिकाणचे सुरक्षा रक्षक बदलत असे. काहीही लीक होऊ नये म्हणून पियुष जैन यांनी वॉचमनला घरात जाण्यास बंदी घातली होती. (Piyush Jain, who has billions in cash, is now sleeping on the floor in jail)
इतर बातम्या
डोक्यात हातोड्याने वार, जावयाकडून राहत्या घरी सासूची हत्या
Pune Crime | गावठी कट्टा विक्रीला घेऊन आलेलया तिघांच्या आळेफाटा पोलिसांनी आवळल्या मुसक्या ; एक फरार
