सामाजिक सुरक्षा विभागाची कारवाई ; पिंपरीत 20 दिवसात 17 स्पा सेंटरवर छापा टाकत वेश्याव्यवसाय करणाऱ्या 38 तरुणींची केली सुटका

स्पा सेंटरच्या नावाखाली चालवल्या जाणाऱ्या वेश्या - व्यवसायामध्ये परराज्यातील महिलांचा प्रामुख्याने समावेश असल्याचे आढळून आले आहे. यात आसाम , पश्चिम बंगाल , नेपाळ येथील महिलांचा समावेश असल्याचे तपासात समोर आले आहे. पिंपरी-चिंचवडच्या सामाजिक पोलिसांनी आता पर्यंतदिघी, तळेगाव, म्हाळुंगे, सांगवी, पिंपरी, वाकड आणि देहूरोड पोलीस ठाण्याच्या हद्दीत छापा टाकला आहे.

राजधानी दिल्ली पुन्हा हादरली; एकाच रात्री 2 कॅबचालकांची हत्या

TV9 मराठी डिजीटल टीम | Edited By: प्राजक्ता ढेकळे | Updated on: Jan 02, 2022 | 10:45 AM

पिंपरी – पिंपरीमध्ये वाढती गुन्हेगारी प्रशासनासाठी डोके दुखी ठरत आहे. शहरात सामाजिक सुरक्षा विभागाने स्पा सेंटरच्या नावाखाली चालवल्या जाणाऱ्या वेश्या व्यवसायावर कारवाई केली आहे. मागील 20 दिवसांत विविध स्पा सेंटरवर छापा टाकत वेश्या व्यवसायाची भांडा फोड केली आहे. या कारवाई पोलिसांनी तब्बल 38 महिलांची सुटका केली आहे. तर 17 स्पा चालकांवर गुन्हा दाखल करत अटक केली आहे.

परराज्यातील तरुणींचा समावेश शहरात स्पा सेंटरच्या नावाखाली चालवल्या जाणाऱ्या वेश्या – व्यवसायामध्ये परराज्यातील महिलांचा प्रामुख्याने समावेश असल्याचे आढळून आले आहे. यात आसाम , पश्चिम बंगाल , नेपाळ येथील महिलांचा समावेश असल्याचे तपासात समोर आले आहे. पिंपरी-चिंचवडच्या सामाजिक पोलिसांनी आता पर्यंतदिघी, तळेगाव, म्हाळुंगे, सांगवी, पिंपरी, वाकड आणि देहूरोड पोलीस ठाण्याच्या हद्दीत छापा टाकला आहे. सुरक्षा पथकाने सुटका केलेल्या तरुणींना हडपसर येथील महिलांना सुधारगृहात पाठवण्यात आले आहे.

पोलिस स्टेशनच्या शेजारीच व्यवसाय सुरु ३१ डिसेंबरच्या मध्यरात्री व नवीन वर्षाच्या सुरूवातीला सांगवीतील कृष्णा चौक येथे ब्रीडल स्पा अँड ब्युटी येथे वेश्या व्यवसाय केला जात होता सामाजिक सुरक्षा विभागाने इथे छापा टाकता काही तरुणींची सुटका केली पोलीस स्टेशनपासून काही अंतरावर ही स्पा सेंटर चालवली जात असून याच स्पा सेंटरमध्ये राजरोसपणे वेश्या व्यवसाय सुरु असल्याचे समोर आले आहे. अवघ्या काही मीटरवर अंतरावर पोलिसांच्या नाकाखाली हे धंदे सुरु असतात, मग पोलीसांचेच याला पाठबळ आहे का? असा प्रश्न स्थानिक नागरिकांकडून व्यक्त केली आहेत.

“स्पा सेंटरच्या नावाखाली वेश्या व्यवसाय होत असल्यास तात्काळ सामाजिक सुरक्षा विभागाशी नागरिकांनी संपर्क करावा. त्याची दखल घेऊन संबंधित स्पा सेंटरवर कारवाई करण्यात येईल., असे आवाहन सामाजिक सुरक्षा विभागाचे प्रमुख रिष्ठ पोलीस निरीक्षक देवेंद्र चव्हाण यांनी केले आहेआतापर्यंत 38 महिलांची सुटका करण्यात आली. तसेच 17 जणांना अटक करण्यात आली.”