अ‌ॅमेझॉन वरुन मागवले कलर प्रिंटर, घरातच बनवत होता बनावट नोटा, पोलिसांनी ठोकल्या बेड्या

सोलापूर : अ‌ॅमेझानवरुन वस्तू खरेदी करण्याचा तरूणाईला अधिक आवड जडलेली असते.कोण काय मागवेल याचा काय नेम नसतो.माढा तालुक्यातील दारफळ (सिना) गावात वास्तव्यास असलेल्या एका तरुणाने अ‌ॅमेझान वरुन कलर प्रिंटर मागवले आणि नामी शक्कल लढवत प्रिंटर आणि ए- पेपर च्या सहाय्याने बनावट नोटा बनवण्याचा जणु उद्योगच घरी सुरु केला होता. मात्र चोराची चोरी फार काळ टिकत नाही असे म्हणतात, हा बहाद्दर आता पोलिसांच्या जाळ्यात अडकला आहे. (Solapur Police take A Action Against 2 Accussed over Fake Currency)

सिद्धेश्वर कैंचे असे या बनावट नोटा तयार करणार्‍या आरोपीचे नाव असून त्याचा साथीदार असलेल्या धनाजी यालाही पोलिसांनी ताब्यात घेतले आहे. पोलिसांनी दोघा आरोपींविरोधात गुन्हे दाखल केले आहेत.

सिद्धेश्वर हा धनाजी दाडे याला सोबत घेऊन मोडनिंबच्या जनावरांच्या बाजारात शेळ्या खरेदीस गेला होता. बाजारात शेतकरी कुंडलिक यमनाथ लेंगरे (रा.पोखरापूर) यांच्याकडून सिद्धेश्वरने 8 शेळ्या खरेदी केल्या. 5 हजार रुपये प्रती शेळीप्रमाणे 40 हजाराला व्यवहारही ठरला. सिद्धेश्वरने दिलेल्या नोटांची शेतकरी लैंगरे यांना शंका आली. त्यांनी दुसऱ्या नोटांची सिद्धेश्वर कडे मागणी केली. मात्र सिद्धेश्वर ने याच नोटा माझ्याकडे आहेत मी आताच एटीएममधूनन काढून आणलेत, अशी बतावणी केली मात्र शेतकऱ्याने दुसऱ्या नोटांचा हट्ट धरला. मग मात्र सिद्धेश्वरने तिथून पळ काढला.

बाजारात असलेल्या शेतकरी अन् पोलिसांनी पाठलाग केल्यानंतर सिद्धेश्वर त्यांच्या हाती लागला. एका गाडीमध्ये शेळ्या घेऊन गेलेल्या धनाजीला कुर्डूवाडीतून पोलिसांनी अटक केलं आहे. पोलीस तपासातून कलर प्रिंटरने तो घरातच बनावट नोटा घरातच बनवत असल्याचे बाब समोर आली आहे.

आरोपीचा आणखी कोणकोणत्या गुन्ह्यात सहभाग आहे का? याअगोदर बनावट नोटा खपवल्यात का ? अन्य साथीदार या प्रकरणात आहेत का? या अगोदर शेळ्याची खरेदी केली होती का ? शेळ्याच खरेदी का करीत होता ? यासह अन्य गोष्टींचा उलगडा करण्यासाठी टेंभूर्णी पोलिस कसून तपास करीत आहेत.

(Solapur Police take A Action Against 2 Accussed over Fake Currency)

हे ही वाचा

धुळे पोलिसांची मोठी कारवाई, बनावट नोटा बनवणाऱ्या टोळीचा पर्दाफाश

Pune Crime | पुणे बनावट नोटांप्रकरणी 6 आरोपींना 15 जूनपर्यंत पोलीस कोठडी

पुण्यात बनावट नोटांच्या रॅकेटचा भांडाफोड, 47 कोटी 60 लाखांच्या बनावट नोटा जप्त