परजातीच्या प्रियकरामुळे अल्पवयीन मुलगी प्रेग्नंट, आईला संताप अनावर, मुलाच्या मदतीने लेकीचा जीव घेतला
महिलेने मुलाच्या मदतीने तिच्या मुलीचा गळा आवळून खून केला. मायलेकाने हे प्रकरण आत्महत्या असल्याचे भासवण्याचा प्रयत्न केला. मात्र, मुलीच्या शवविच्छेदन अहवालात खुनाचा उलगडा झाला.
लखनौ : उत्तर प्रदेशातील कानपूर जिल्ह्यातील चौबेपूर भागात एका महिलेने तिच्या अल्पवयीन गरोदर मुलीची हत्या केली. गावात राहणाऱ्या दुसऱ्या जातीतील पुरुषाशी असलेल्या संबंधातून आपली मुलगी गर्भवती राहिल्याचं समजल्याने महिलेचा संताप झाला. संबंधित महिलेच्या मुलानेही तिला या गुन्ह्यात मदत केल्याचा आरोप आहे. आई-मुलगा आणि मयत अल्पवयीन मुलीच्या प्रियकरालाही पोलिसांनी शुक्रवारी अटक केली.
काय आहे प्रकरण?
पोलिसांनी दिलेल्या माहितीनुसार, महिलेने मंगळवारी रात्री मुलाच्या मदतीने तिच्या मुलीचा गळा आवळून खून केला. मायलेकाने हे प्रकरण आत्महत्या असल्याचे भासवण्याचा प्रयत्न केला. मात्र, मुलीच्या शवविच्छेदन अहवालात खुनाचा उलगडा झाला. पोलिसांनी पुरेसे पुरावे गोळा केले आणि त्यानंतर महिला आणि तिच्या मुलाला अटक केली. टाइम्स ऑफ इंडियाने प्रसिद्ध केलेल्या वृत्तानुसार अल्पवयीन पीडितेच्या प्रियकरालाही बलात्काराच्या आरोपाखाली अटक करण्यात आली आहे.
प्रतिष्ठेच्या खोट्या समजातून हत्या
“सुरुवातीला, मायलेकाने अल्पवयीन मुलीला समजावण्याचा प्रयत्न केला आणि तिला दुसऱ्या जातीतील पुरुषाशी संबंध तोडण्यास सांगितले, परंतु मुलीने स्पष्टपणे नकार दिला. अलिकडेच, जेव्हा मुलीच्या आईला तिच्या गरोदरपणाबद्दल कळले, तेव्हा तिने समाजातील आपल्या ‘प्रतिष्ठेचे’ रक्षण करण्याच्या बेगडी समजातून तिला संपवण्याचा निर्णय घेतला” अशी माहिती पोलिस स्टेशनचे प्रभारी कृष्ण मोहन राय यांनी दिली.
आरोपींनी गुन्ह्याची कबुली दिली आहे. शुक्रवारी, मृत मुलीच्या प्रियकरासह अटक केलेल्या सर्व आरोपींना तुरुंगात पाठवल्याचेही पोलिसांनी सांगितले.
संबंधित बातम्या :
लग्नाआधीच आक्रित! नदीत सेल्फी घेताना मुंबईकर महिला बुडाल्या; सासूचा मृत्यू, होणाऱ्या सूनबाई बेपत्ता
दोन वर्षांनी गूढ उकललं, बाईक प्रवासात मालकाची कर्मचाऱ्याकडूनच हत्या, मृतदेह दरीत टाकला
नकली दातांनी प्रायवेट पार्टसह शरीराचे चावे घ्यायचा, बायकोची पोलीस ठाण्यात धाव
