औरंगाबादमध्ये गळा चिरुन बहिण-भावाची हत्या, परिसरात खळबळ

औरंगाबाद : औरंगाबादमधील एका घरात बहिण-भावाची हत्या करण्यात आली (Aurangabad Sister and Brother Murder) आहे. ही घटना काल (9 जून) रात्रीच्या दरम्यान जिल्ह्यातील सातारा परिसरातील एमआयटीजवळ घडली आहे. बहिण-भावाच्या हत्येने परिसरात एकच खळबळ उडाली आहे. दरम्यान, या दोघांचे मृतदेह गळा चिरलेल्या अवस्थेत बाथरुममध्ये आढळले (Aurangabad Sister and Brother Murder) होते.

सातारा परिसर, एमआयटी जवळील अल्फाईन हॉस्पिटलजवळ राहणारे लालचंद राजपुत हे शेतीच्या कामानिमित्त परिवारासह जालना येथे गेले होते. घरात त्यांची मोठी मुलगी किरण लालचंद राजपुत (19) आणि तिचा भाऊ सौरभ राजपुत (17) हे दोघे घरात होते.

रात्रीच्या सुमारास लालचंद राजपुत हे घरी परतले. त्यांनी वाहनाचा हॉर्न वाजवला. हॉर्न वाजवून घरातून प्रतिसाद मिळत नसल्याने त्यांनी वाहन उभे करून घराची पाहणी केली. यावेळी त्यांना बाथरूममध्ये दोघा बहिण-भावाचे मृतदहे आढळले. दोघांचे गळे चिरून हत्या करण्यात आली होती. आरडाओरड केल्याने परिसरातील नागरीकांनी घटनास्थळी धाव घेतली.

घटनेची माहिती मिळताच उपायुक्त डॉ. राहुल खाडे, पोलीस निरीक्षक सुरेंद्र माळाळे यांनी पथकासह घटनास्थळी धाव घेतली. दोघा बहिण-भावाचा मृतदेह शवविच्छेदनासाठी घाटी रुग्णालयात पाठवला. हत्येचे नेमके कारण कळू शकले नाही.

“हत्या दुपारच्या दरम्यान झाली असून रात्री उघडकीस आली. याप्रकरणी सातारा पोलीस ठाण्यात गुन्हा दाखल करण्याची प्रक्रिया रात्री उशिरापर्यंत सुरु होती”, असं पोलिसांनी सांगितले.

संबंधित बातम्या :

Pimpri Murder | पिंपरीत प्रेमप्रकरणातून 20 वर्षीय तरुणाची हत्या, सहा जणांना अटक

लातुरात थरार, अनैतिक संबंधातून पतीची हत्या, मग पत्नीची आत्महत्या, अखेर प्रियकरानेही स्वतःला संपवलं

मुंबईत कोरोनाग्रस्ताची हत्या, हत्येच्या पाच दिवसांनी रिपोर्ट पॉझिटिव्ह, आता मृतदेहच रुग्णालयातून गायब