दारु चढली; अंबरनाथमध्ये क्षुल्लक वादातून मित्रानेच केली मित्राची हत्या

अंबरनाथ पूर्वेच्या दत्त कुटीर परिसरात शनिवारी पहाटे हा प्रकार घडला. अमन शेख असं हत्या करण्यात आलेल्या 18 वर्षीय तरुणाचं नाव आहे.

प्रातिनिधिक फोटो

Nupur Chilkulwar | Updated on: Oct 10, 2020 | 5:22 PM

अंबरनाथ : दारु पिताना झालेल्या क्षुल्लक वादातून 18 वर्षीय तरुणाची हत्या करण्यात आल्याची धक्कादायक घटना अंबरनाथमध्ये घडली. याप्रकरणी पोलिसांनी 19 वर्षीय आरोपीला बेड्या ठोकल्या आहेत (Friend Murder Friend In Ambarnath).

अंबरनाथ पूर्वेच्या दत्त कुटीर परिसरात शनिवारी पहाटे हा प्रकार घडला. अमन शेख असं हत्या करण्यात आलेल्या 18 वर्षीय तरुणाचं नाव आहे. तर आशुतोष कराळे असं आरोपीचं नाव आहे. या दोघांचे तीन ते चार दिवसांपूर्वी वाद झाले होते. त्यानंतर शुक्रवारी मध्यरात्री दारु पीत असताना पुन्हा एकदा या दोघांमध्ये वाद झाला.

याच वादातून आशुतोषने अमनच्या पोटात चाकू खुपसला. यात आमनचा मृत्यू झाला. या घटनेनंतर शिवाजीनगर पोलिसांनी घटनास्थळी धाव घेत आशुतोषला ताब्यात घेतलं. त्याच्या विरोधात हत्येचा गुन्हा दाखल करण्यात आला असून त्याला अटक करण्यात आली आहे. शिवाजीनगर पोलीस पुढील तपास करत आहेत.

कल्याणमध्ये कुख्यात गुंडाने पोलिसांवर कुत्रे सोडले, एक तासाच्या थरारानंतर गुंडाला अटकhttps://t.co/QeGFo4uQem #KalyanPolice #KalyanCrime

— TV9 Marathi (@TV9Marathi) October 9, 2020