अहमदनगरमध्ये विहिरीत उडी मारुन पतीची आत्महत्या, पतीला वाचवताना पत्नीचाही मृत्यू

अहमदनगर : अहमदनगरमध्ये पतीला वाचवताना पत्नीचाही मृत्यू झाल्याने एकच खळबळ उडाली (Husband and Wife death in Ahmednagar) आहे. किरकोळ भांडणाच्या रागातून विहिरीत उडी मारलेल्या पतीला वाचवण्यासाठी पत्नीनेही उडी घेतली. मात्र यात दोघांनाही आपला जीव गमवावा लागला. ही दुर्दैवी घटना अहमदनगर जिल्ह्यातील कोपरगाव तालुक्यात घडली (Husband and Wife death in Ahmednagar) आहे.

कोपरगाव तालुक्यातील कोकमठाण ग्रामपंचायत हद्दीत असलेल्या रेलवाडी येथील रहिवाशी ज्ञानेश्वर तुकाराम खोतकर वय-३० वर्ष आणि पत्नी कविता खोतकर वय-25 या दोघांचे शनिवारी (27 जून) रात्री 11 वाजता किरकोळ कारणातून भांडण झाले.

यानंतर संतापलेल्या ज्ञानेश्वरने थेट शेतातील विहीरीकडे धाव घेतली आणी स्वतःला विहीरीत झोकून दिले. पतीला वाचवण्यासाठी पत्नीनेही मागोमाग विहीरीत उडी घेतली.

दोघेजण विहीरीत पडल्याचं बघून ज्ञानेश्वरच्या बहिणीने आरडाओरडा करत गावकऱ्यांना हाका मारल्या आणि तीनेही भावाला आणी वहिनीला वाचवण्यासाठी विहीरीत उडी मारली. गावकऱ्यांनी टाकलेला दोर पकडल्याने बहिणीचा जीव वाचला. मात्र पती-पत्नी खोल पाण्यात बुडाल्याने त्यांचा दुर्दैवी अंत झाला आहे.

कोपरगाव तालुक्यातील कोकमठाण हद्दीतील रेलवाडी या ठिकाणी मयत ज्ञानेश्वर खोतकर हा आपल्या आई, वडील, बहीण, दोन वर्षाची मुलगी यांच्यासोबत राहत होता. वडील शेळी पालन करून या कुटुंबांचा उदरनिर्वाह करीत होते. तर मयत हा मजुरी करत होता. मयताचे साधारण चार वर्षांपूर्वी लग्न झाले होते. त्यांच्या मृत्यूमुळे परीसरात हळहळ व्यक्त केली जात आहे.

संबंधित बातम्या :

जिवंतपणी वेगळे मात्र एकत्र मरण, पती-पत्नीची अनोखी कहाणी

घरात स्टोव्हने पेट घेतल्याने पती-पत्नीसह दोन वर्षाची चिमुरडी गंभीर जखमी