फर्स्ट क्लासमध्ये दरवाजात उभं राहण्यावरुन वाद, तरुणाने सहप्रवाशाचं बोट चावून तोडलं

फर्स्ट क्लासच्या दरवाजात उभं राहण्यावरुन झालेल्या वादातून तरुणाने एका प्रवाशाच्या बोटाचा कडकडून चावा घेतला. हा चावा इतका जबरदस्त होता, की बोटाचा एक सेंटीमीटर भाग तुटला

फर्स्ट क्लासमध्ये दरवाजात उभं राहण्यावरुन वाद, तरुणाने सहप्रवाशाचं बोट चावून तोडलं
Follow us
| Updated on: Sep 22, 2019 | 3:37 PM

मुंबई : मुंबई लोकलमधून प्रवास करणाऱ्यांसाठी वादावादी नवीन नाही. मध्य रेल्वेवरील आसनगाव लोकलच्या दरवाजात उभं राहण्यावरुन झालेल्या वादाने कळस गाठला. 25 वर्षीय तरुणाने सहप्रवाशाच्या बोटाचा भाग चावून तोडल्याचा (Man bites fellow commuters’ finger) धक्कादायक प्रकार समोर आला आहे. विशेष म्हणजे प्रथम दर्जाच्या डब्यात हा प्रकार घडला.

34 वर्षीय महेश पांडुरुंग ढुंबरे यांच्या उजव्या हाताच्या तर्जनीचा म्हणजेच पहिल्या बोटाचा एक सेंटीमीटर भाग तुटला आहे. 25 वर्षीय आरोपी आसिफ युसूफ शेखला रेल्वे पोलिसांनी बेड्या ठोकल्या आहेत. ढुंबरे यांना तुटलेल्या बोटावर शस्त्रक्रिया करावी लागली.

घणसोलीमध्ये राहणाऱ्या महेश ढुंबरे यांनी गुरुवारी संध्याकाळी दादर स्टेशनवर लोकल पकडली. आसनगाव फास्टमधील फर्स्ट क्लासच्या डब्यात ते चढले. दोघा इतर प्रवाशांसह ढुंबरे दरवाजात उभे होते. कुर्ला स्टेशनवर आरोपी आसिफ डब्यात चढला. डोअरला उभं राहण्यासाठी आसिफने ढुंबरे यांना ढकलाढकली सुरु केल्याचं प्रत्यक्षदर्शींनी सांगितलं.

वादाला तोंड फुटताच आसिफने ढुंबरे यांना शिवीगाळ केली. इतकंच नाही, तर त्यांची कॉलर खेचल्यामुळे शर्टाचं बटणही तुटलं. प्रत्युत्तरादाखल ढुंबरेंनीही आसिफची मान धरली. याच वेळी आसिफने ढुंबरे यांच्या बोटाचा कडकडून चावा (Man bites fellow commuters’ finger) घेतला. हा चावा इतका जबरदस्त होता, की बोटाचा एक सेंटीमीटर भाग तुटला आणि आसिफच्या तोंडात राहिला.

वहिनीला ‘मधलं बोट’ दाखवलं, दीराला तीन वर्षांचा कारावास

ढुंबरे यांच्या तुटलेल्या बोटातून रक्तस्राव व्हायला सुरुवात झाली. यानंतरही आसिफ थांबला नाही. त्याने ढुंबरेंना शिवीगाळ करत चालत्या गाडीतून बाहेर फेकून देण्याची धमकी दिली. सहप्रवाशांनी भांडण सोडवलं आणि जीआरपींना याबाबत माहिती दिली.

ठाणे स्टेशनवर पळून जाण्याचा प्रयत्न करणाऱ्या आसिफची रेल्वे पोलिसांनी धरपकड केली. त्याच्यावर रेल्वे पोलिसांनी कलम 325 आणि 504 अन्वये कारवाई केली आहे.

दुसरीकडे, महेश ढुंबरे यांना ठाण्यात जवळच्या रुग्णालयात दाखल करण्यात आलं. उजव्या हाताच्या तर्जनीचा एक सेंटीमीटर भाग तुटल्यामुळे त्यांच्या बोटावर शस्त्रक्रिया करावी लागली.

Non Stop LIVE Update
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?.
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती.