5 बायकांचा नवरा, 12 महिलांसोबत अफेअर… अंत मात्र धक्कादायक, खोलीत 2 दिवस सडत होता अभिनेत्याचा मृतदेह

बॉलिवूडमध्ये असे अनेक अभिनेते आहेत, जे त्यांच्या नकारात्मक आणि खलनायकाच्या भूमिकेमुळे चर्चेत राहिले. त्यांनी मोठ्या पडद्यावर दमदार भूमिका साकारत चाहत्यांचं मनोरंजन तर केलं. पण खासगी आयुष्यात त्यांनी अनेक संकटांचा सामना केला. सध्या ज्या अभिनेत्याच्या खासगी आयुष्याची चर्चा रंगली आहे, त्याने अनेक सिनेमांमध्ये खलनायकाची भूमिका बजावली आहे. अभिनेत्याने एक दोन नाही तर, 5 लग्न केली आणि 12 महिलांसोबत त्याचे प्रेमसंबंध होते. पण शेवटच्या क्षणी त्याच्यासोबत कोणीच नव्हतं…

पाच लग्न आणि एक मुलगा…

सध्या ज्या अभिनेत्याची चर्चा सुरु आहे, त्या अभिनेता दुसरा तिसरा कोणी नाही तर, अभिनेता महेश आनंद आहे… शेवटच्या क्षणात अभिनेता पूर्णपणे एकटा पडला आणि कुटुंबियांनी देखील त्याची साथ सोडली. अभिनेत्याची खासगी आयुष्याची चर्चा त्याच्या निधनानंतर रंगली. असं सांगितलं जातं की, अभिनेत्याने 12 महिलांना डेट केलं आणि पाच लग्न केली.

महेश याने पहिलं लग्न रिना रॉय हिच्यासोबत केलं. पण दोघांचं नातं फार काळ टिकलं नाही. दुसरं लग्न बरखा रॉय हिच्यासोबत केलं. त्यानंतर अभिनेत्याने मिस इंडिया इंटरनॅशनल एरिका मारिया डिसोझा हिच्याशी लग्न केले, दोघंना एक मुलगा देखील आहे. अभिनेत्याने चौथं लग्न अभिनेत्री उषा बचानी हिच्याशी केलं, पण हे लग्नही फार काळ टिकलं नाही. महेशने पाचव्यांदा रशियन महिला लाना हिच्याशी लग्न करून प्रेमाला आणखी एक संधी दिली. पण कोणतंच नातं अधिक काळ टिकलं नाही.

अखेर कुटुंबियांनीच अभिनेत्याला पूर्णपणे फसवलं. एक दिवस असा आला जेव्हा, अभिनेत्याकडे पाण्याची बाटली घेण्यासाठी देखील पैसे नव्हते. एक दिवस सोशल मीडियावर पोस्ट करत अभिनेत्याने स्वतःच्या परिस्थितीबद्दल सांगितलं होतं…

अभिनेत्याचं निधन

9 फेब्रुवारी 2019 रोजी, महेश आनंद वर्सोवा येथील त्याच्या फ्लॅटमध्ये मृतावस्थेत आढळला. 57 वर्षीय अभिनेता त्यच्या फ्लॅटमध्ये एकटाच राहत होता. दोन दिवसांपासून अभिनेत्याने घराचा दरवाजा देखील उघडला नव्हता. अखेर घरातील मोलकरणीने अभिनेत्याच्या बहिणीला फोन केलं आणि सांगितलं. तेव्हा अभिनेत्याच्या बहिणीने पोलिसांना कळवलं.

पोलिसांनी घराचा दरवाजा तोडला आणि पाहिलं तर, अभिनेता सोफ्यावर पडलेला आणि त्याच्याजवळ दारुच्या बाटल्या आणि खाण्याचे पदार्थ पडलेले होते. अभिनेत्याचं निधन झालेलं आणि दोन दिवस मृतदेह घरातच सडत होता… पण पोस्टमार्टन रिपोर्टनुसार, अभिनेत्याचा तीन दिवसांपूर्वीच मृत्यू झालेला. रिपोर्टमध्ये, अभिनेत्याचा मृत्यू नैसर्गिक कारणांमुळे झाला असल्याचं डॉक्टरांनी सांगितलं.