अक्षय कुमारचा ‘हैवान’ फ्लॉप, अजून एक सिनेमा फ्लॉप ठरण्याचे कारण काय?
अक्षय कुमारच्या ‘हैवान’ चित्रपटाच्या फ्लॉप होण्याची ५ मोठी कारणे आहेत. ती कारणे कोणती आहे? चला जाणून घेऊया...
गेल्या काही दिवसांपासून बॉलिवूड अभिनेता अक्षय कुमारचे चित्रपटल फ्लॉप होताना दिसत आहेत. आता या फ्लॉप सिनेमांच्या यादीमध्ये आणखी एक सिनेमा आला आहे. या सिनेमाचे नाव ‘हैवान’ असे आहे. 130 कोटी रुपयांचे बजेट असूनही अक्षयचा हा सिनेमा फ्लॉप का ठरला? यामागचे कारण समोर आले आहे.
‘हैवान’ सिनेमात अक्षय कुमार आणि सैफ अली खान यांसारख्या कलाकार असूनही ओपनिंग डेला सिनेमाने फक्त ३ कोटींची कमाई केली. ११ सप्टेंबरला रिलीज झालेल्या या चित्रपटाने फक्त ९.९२ कोटींचे कलेक्शन केले. पण एवढ्या शानदार कास्ट आणि जबरदस्त दिग्दर्शनानंतरही हा चित्रपट फ्लॉप का ठरला, हे तुम्हाला माहीत आहे का? अक्षय कुमार आणि सैफ अली खानच्या जोडीने आधीही हिट चित्रपट दिले आहेत. तर दिग्दर्शक प्रियदर्शनसोबत अक्षयचा करिअर ग्राफ काही वेगळाच राहिला आहे. या जोडीने ‘हेरा फेरी’पासून ‘गरम मसाला’, ‘दे दना दन’पर्यंत अनेक शानदार चित्रपटांत काम केले आहे. पण या ५ मोठ्या कारणांमुळे चित्रपट ‘हैवान’ बॉक्स ऑफिसवर १० कोटींचेही कलेक्शन करू शकली नाही.
हिंदी चित्रपटसृष्टीत आधीही साउथ चित्रपटांचे रीमेक बनले आहेत, ज्यांनी बॉक्स ऑफिसवर जबरदस्त कमाई केली आहे. शाहिद कपूरचा ‘कबीर सिंह’ आणि अजय देवगनची ‘दृश्यम’ आधीपासून साउथच्या सर्वात प्रसिद्ध चित्रपटांपैकी एक आहेत. जेव्हा हिंदीत त्यांचे रीमेक बनले, तेव्हा बॉक्स ऑफिस हादरले. पण ते मॅजिक ‘हैवान’ सिनेमाबाबत पाहायला मिळाले नाही. २०१६ मध्ये प्रियदर्शनने मोहनलालसोबत मल्याळम चित्रपट ‘ओप्पम’ केला होता. १० वर्षांनंतर आता याचा रिमेक आला ‘हैवान.’
‘हैवान’ची घोषणा झाली तेव्हाच ओप्पमची कहाणी सोशल मीडियावर चर्चेचा विषय बनली
पोस्टरसोबतच कोण हिरो असेल आणि कोण व्हिलन हे उघड झाले. बाकी कहाणी तर आधीच माहीत होती. मेकर्सनी आपल्या चित्रपटाची कहाणी आणि पात्रांची माहिती गुप्त ठेवायला हवी होती. कहाणीपासून पात्रांपर्यंत सर्व माहिती प्रेक्षकांकडे आधीच होती. अशा स्थितीत कोण चित्रपट पाहण्यासाठी जाईल?
ट्रेलरने सस्पेंस संपवला
दिग्दर्शक प्रियदर्शनने ट्रेलरमध्ये हैवानियत दाखवण्याचा प्रयत्न केला. त्यासोबतच पात्रांची माहितीही प्रेक्षकांपर्यंत पोहोचवली. ट्रेलरमध्ये अर्धा चित्रपट प्रेक्षकांच्या लक्षात आला. कोणालाही सस्पेंससारखे काही वाटले नाही. फक्त अक्षयला व्हिलन म्हणून पाहणे नवे असू शकते, पण त्याचा सध्याचा करिअर ग्राफ पाहता प्रेक्षकांनी चित्रपट थिएटरमध्ये पाहण्याची तसदी घेतली नाही.
नवेपण नव्हते
आजचे प्रेक्षक हिंदीसोबत साउथ चित्रपटही पाहात असतात. ओटीटी प्लॅटफॉर्मवर साउथचे बेस्ट चित्रपट ट्रेंड करतात. अशा स्थितीत १० वर्षे जुने चित्रपट कोणत्याही खास ट्विस्टशिवाय प्रेक्षकांसमोर ठेवणे हे मेकर्सचे चुकीचे नियोजन होते. या कहाणीत ट्विस्ट असता तर कदाचित कलेक्शन चांगले झाले असते.
