Alia Bhatt: ब्रह्मास्त्र’च्या तीन दिवसांतील कमाईने खुश होऊ सोशल मीडियावर आलियाने दिली ‘ही’ प्रतिक्रिया

‘ब्रह्मास्त्र’ला बॉक्स ऑफिसवर मिळालेल्या जबरदस्त यशामुळे चित्रपटाची संपूर्ण टीम खूप खूश आहे. आलिया भट्टही (Alia Bhatt) या चित्रपटाबद्दल लोकांच्या प्रतिसादाने खूप आनंदी झाली आहे. चित्रपटाने उत्कृष्ट कामगिरी केली असून तीन दिवसांत जगभरात 225 कोटींचा गल्ला जमवला आहे. आलियाने तिच्या सोशल मीडिया (Social Media)अकाऊंटवरून चित्रपटाच्या चांगल्या कामगिरीबद्दल आनंद व्यक्त केला आहे. ब्रह्मास्त्र (Brahmastra)हा एक मल्टीस्टारर चित्रपट आहे, ज्यामध्ये रणबीर कपूर आणि आलिया भट्टसोबत अमिताभ बच्चन, अक्किनेनी नागार्जुन आणि मौनी रॉय महत्त्वपूर्ण भूमिकेत आहेत. याशिवाय सुपरस्टार शाहरुख खान आणि दीपिका पदुकोण यांचाही चित्रपटात कॅमिओ आहे. याची निर्मिती स्टार स्टुडिओ, धर्मा प्रॉडक्शन, प्राइम फोकस आणि स्टारलाईट पिक्चर्स यांनी केली आहे

व्हिडीओ शेअर करत दिली माहिती

आलियाने सोमवारी इंस्टाग्रामवर चित्रपटाशी संबंधित एक छोटा व्हिडिओ शेअर केला आहे, ज्यामध्ये अधिकृतपणे सांगण्यात आले आहे की ‘ब्रह्मास्त्र’ने जगभरात 225 कोटी कमावले आहेत. या व्हिडीओसोबत आलियाने कॅप्शनमध्ये लिहिले की, ‘वीकेंड पूर्ण प्रकाशाने. आमचे हृदय प्रेमाने भरलेले आहे. मी प्रेक्षकांचा खूप आभारी आहे. आलियाशिवाय चित्रपटाचा दिग्दर्शक अयान मुखर्जीनेही 225 कोटींच्या कलेक्शनवर आनंद व्यक्त करणारी एक चिठ्ठी लिहिली आहे.

View this post on Instagram

A post shared by Alia Bhatt ?☀️ (@aliaabhatt)

ब्रह्मास्त्र हा चित्रपट आतापर्यंत बनवलेल्या सर्वात महागड्या भारतीय चित्रपटांपैकी एक आहे. मीडिया रिपोर्ट्सनुसार, हे 400 कोटी रुपयांपेक्षा जास्त बजेटमध्ये बनवण्यात आले आहे.वर्क फ्रंटबाबत बोलायचे झाल्यास , ‘ब्रह्मास्त्र’ व्यतिरिक्त, आलिया भट्ट फरहान अख्तरच्या ‘जी ले जरा’मध्ये कतरिना कैफ आणि प्रियांका चोप्रा यांच्यासोबत काम करणार आहे. याशिवाय ती ‘रॉकी और रानी की प्रेम कहानी’ आणि रणवीर सिंगसोबत हार्ट ऑफ स्टोन या हॉलिवूड चित्रपटातही दिसणार आहे.