Gangubai Kathiwadi : बहुप्रतिक्षित ‘गंगुबाई काठियावाडी’चा ट्रेलर आऊट, प्रेक्षकांचा तुफान प्रतिसाद, दोन तासात दीड मिलियन पार
आलिया भटचा आगामी चित्रपट गंगूबाई काठियावाडी या चित्रपटाचा ट्रेलर सध्या प्रदर्शित झालाय. या ट्रेलरला तुफान प्रतिसाद मिळतोय.
मुंबई : बॉलिवूड अभिनेत्री आलिया भटचा (Bollywood Actress Alia Bhatt) आगामी चित्रपट गंगूबाई काठियावाडी (Gangubai Kathiawadi) या चित्रपटाचा ट्रेलर सध्या प्रदर्शित झालाय. या ट्रेलरला तुफान प्रतिसाद मिळतोय. यूट्यूबवर आतापर्यंत या ट्रेलरला दीड मिलियनहून अधिक Views मिळाले आहेत. ट्रेलरवर अनेकांनी कमेंट करून आपल्या प्रतिक्रिया दिल्या आहेत. काहींना आलियाचा लुक आवडलाय तर काहींनी तिच्या अभिनयाची तारिफ केलीये. “आलियाने उत्तम काम केलंय,” असं एकाने म्हटलंय तर “आलियाला याआधी रोमॅन्टिक सीन करताना पाहिलं आहे. आता तिने ही बोल्ड भूमिकाही उत्तम प्रकारे साकारली आहे”, असं दुसऱ्याने म्हटलंय. आधी हा सिनेमा 6 जानेवारीला प्रदर्शित होणार होता. पण कोरोनामुळे या सिनेमाच्या प्रदर्शनाची तारीख पुढे ढकलण्यात आली. आता हा सिनेमा 25 फेब्रुवारीला प्रदर्शित होणार आहे.
आलियाचा बोल्ड लुक
आलिया भट्टच्या या चित्रपटाची गेल्या अनेक दिवसांपासून चर्चा सुरू आहे. या चित्रपटात आलिया मुंबईची माफिया क्वीन गंगूबाईची भूमिका साकारत आहे. तर या चित्रपटात अजय देवगण या चित्रपटात गँगस्टर करीम लालाच्या भूमिकेत आहे. या चित्रपटाच्या ट्रेलरमध्ये आलियाचा बोल्ड लुक सगळ्यांना पाहायला मिळतोय. दमदार संवादांमुळे आलिया प्रेक्षकांचं लक्ष आपल्याकडे वेधून घेते.
संजय लीला भन्साळी यानी हा सिनेमा दिग्दर्शित केला आहे. या चित्रपटावरून वादही निर्माण झाला होता. गंगूबाईंच्या कुटुंबातील काही लोकांनी या चित्रपटावर आक्षेप घेतला होता. संजय लिला भन्साळी यांचा चित्रपट आणि त्यावरून होणारा वाद याला मोठा इतिहास आहे. त्यांचा प्रत्येक चित्रपट नेहमीच कोणत्या ना कोणत्या कारणाने वादात सापडतो. याआधीही पद्मावत हा त्यांचा सिनेमा वादाच्या भोवऱ्यात सापडला होता.
चित्रपट 25 फेब्रुवारीला रिलीज होणार
संजय लीला भन्साळी दिग्दर्शित गंगूबाई काठियावाडी हा चित्रपट बऱ्याच दिवसांपासून चर्चेत आहे. चित्रपट दिग्दर्शक संजय लीला भन्साळी, आलिया भट्ट आणि चित्रपटातील इतर कलाकारंना कोरोना झाला होता. त्यामुळे चित्रपटाचे शूटिंग पूर्ण होण्यास प्रचंड वेळ लागला होता. या आधी हा सिनेमा 6 जानेवारी प्रदर्शित होणार होता मात्र आता हा चित्रपट 25 फेब्रुवारीला प्रदर्शित होणार आहे.
संबंधित बातम्या