कालच लग्नाचा वाढदिवस साजरा, आज पोस्टर शेअर करत रितेश-जिनिलियाची ‘गुडन्यूज’

अभिनेत्री जिनिलिया देशमुखने तिच्या इन्स्टाग्रामवर एक काही फोटो शेअर केले आहेत. यात रितेश प्रेगनेंट असल्याचं दिसतंय.

रितेश देशमुख, जिनिलिया देशमुख

TV9 मराठी डिजीटल टीम | Edited By: आयेशा सय्यद | Updated on: Feb 04, 2022 | 1:07 PM

मुंबई : अभिनेत्री जिनिलिया देशमुखने (Genelia D’Souza Deshmukh) तिच्या इन्स्टाग्रामवर एक काही फोटो शेअर केले आहेत. या फोटोत जिनिलियाचा पती अभिनेता रितेश देशमुख (Riteish Deshmukh) प्रेगनेंट असल्याचं दिसतंय. हे फोटो पाहून अनेकांना आश्चर्य वाटलं पण जिनिलियाने आपल्या कॅप्शनमध्ये स्पष्ट केलं आहे की हा एक भन्नाट कॉमेडी सिनेमा आहे. ‘मिस्टर मम्मी’ (Mister Mummy) असं या सिनेमाचं नाव आहे. ‘मिस्टर मम्मी’ या सिनेमात बऱ्याच वर्षांनतर रितेश आणि जिनिलिया एकत्र पहायला मिळणार आहेत. रितेशने याआधीही कॉमेडी सिनेमे केले आहेत. पण जिनिलिया आतापर्यंत रोमॅन्टिक चित्रपटांमध्येच काम करताना दिसली आहे. मात्र आता या सिनेमात पहिल्यांदाच दे दोघे एकत्र कॉमेडी करताना दिसणार आहेत.

रितेश-जिनिलियाची इन्स्टाग्राम पोस्ट

जिनिलिया आणि रितेश नेहमीच आपल्या इन्स्टाग्रामवर काही ना काही शेअर करत असतात. पण आज त्यांनी जरा वेगळे फोटो शेअर केले आहेत. यात रितेश चक्क प्रेग्नेंट असल्याचं दिसंतय. हे फोटो म्हणजे या दोघांच्या आगामी ‘मिस्टर मम्मी’ या चित्रपटाचं पोस्टर आहे. या फोटोला “तुम्ही याआधी कधीही न पाहिलेली, पोट धरून हसायला लावणारी अफलातून कॉमेडी तुम्हाला या सिनेमात पहायला मिळणार आहे” असं कॅप्शन जिनिलियाने दिलं आहे. तर “लवकरच एक कॉमेडी चित्रपट तुमच्या भेटीला येतोय. त्यामुळे खळखळून हसण्यासाठी तयार राहा”, असं रितेश इन्स्टाग्राम पोस्टमध्ये म्हणाला आहे.

चित्रपटाची गोष्ट

‘मिस्टर मम्मी’ हा रितेश आणि जिनिलिया यांचा हा एक कॉमेडी सिनेमा आहे. या चित्रपटाची कथा एका जोडप्याभोवती फिरते ज्यांची विचारधारा मुलांच्या बाबतीत पूर्णपणे भिन्न आहे. या चित्रपटात विनोदाची परिपूर्ण अनुभुती अनुभवायला मिळणार आहे.

गुलशन कुमार आणि टी-सिरीज यांचा हा सिनेमा आहे. ‘मिस्टर ममी’ हा चित्रपट टी-सीरीज् फिल्म्स आणि हेक्टिक सिनेमा प्रायव्हेट लिमिटेड यांनी या सिनेमाची निर्मिती केली आहे.

संबंधित बातम्या