Bhool Bhulaiyaa 2 Teaser : ‘भूल भुलैया 2’चा टीझर प्रेक्षकांच्या भेटीला, कार्तिक आर्यनचा जबरदस्त लूक पाहून चाहते उत्सुक!

मुंबई : कोरोना विषाणूच्या दुसऱ्या लाटेनंतर महाराष्ट्र सरकारने 22 ऑक्टोबरपासून चित्रपटगृहे उघडण्याचे आदेश दिले आहेत. अशा परिस्थितीत, निर्माते त्यांचे चित्रपट रिलीज करण्याची घोषणा देखील करत आहेत, या यादीमध्ये कार्तिक आर्यन (Kartik Aaryan) स्टारर ‘भूल भुलैया 2’चा (Bhool Bhulaiyaa 2) देखील समावेश आहे. आता कार्तिकने चाहत्यांसमोर चित्रपटाचा टीझर रिलीज केला आहे.

कार्तिक आर्यन आणि कियारा अडवाणी यांचा ‘भूल भुलैया 2’ हा चित्रपट 2022 मध्ये 25 मार्च रोजी चित्रपटगृहात दाखल होईल. आता आज कार्तिकने चित्रपटाचा जबरदस्त टीझर रसिकांसमोर सादर केला आहे.

कसा आहे ‘भूल भुलैया 2’चा टीझर?

मंगळवारी कार्तिक आर्यनने त्याच्या चाहत्यांसाठी इंस्टाग्रामवर ‘भूल भूलैया 2’चा टीझर शेअर केला. टीझरमध्ये कार्तिक एका घुमटावर बसलेला दिसत आहे. कार्तिक आर्यनच्या लूकबद्दल बोलताना, तो त्याच्या डोळ्यांवर चष्मा घातलेला आहे. त्याच्या गळ्यात आणि हातात माळा घातलेल्या आहेत, तर जीन्स टी-शर्टसह काळा चष्मा परिधान केलेला दिसतो. यासह, गरुड आजूबाजूला उडताना दिसत आहेत.

जर, आपण टीझरबद्दल बोललो (भूल भूलैया 2 चित्रपट), तर आधी चंद्र दिसायला सुरुवात होते आणि नंतर कार्तिक अंधाराच्या प्रकाशात दिसतो. त्याच्या पार्श्वभूमीवर एका विचित्र आवाजासह, भुल भुलैयाच्या ट्रॅकचे संगीत ऐकू येते. टीझरमध्ये कार्तिकच्या चेहऱ्यावर खूप आत्मविश्वास दिसत आहे.

टीझर शेअर करताना कार्तिकने लिहिले आहे की, तुम्ही चित्रपट जवळच्या सिनेमागृहांमध्ये पाहू शकता. यावर चाहत्यांनी भरभरून प्रतिक्रिया दिल्या आहेत.

पाहा व्हिडीओ :

View this post on Instagram

A post shared by KARTIK AARYAN (@kartikaaryan)

कार्तिक आर्यनचा हा चित्रपट हॉरर-कॉमेडी ‘भूल भूलैया’ चा सिक्वेल आहे, ज्यामध्ये अक्षय कुमार आणि विद्या बालन, शायनी आहुजा मुख्य भूमिकेत दिसले होते. अनीस बज्मी या चित्रपटाचे दिग्दर्शन करत आहेत. 19 ऑगस्ट 2019 रोजी चित्रपटाचे तीन पोस्टर रिलीज करण्यात आले. यासह कार्तिक, कियारा आणि तब्बू पहिल्यांदा एकत्र काम करणार आहेत. आता चाहते चित्रपटाच्या ट्रेलरची वाट पाहत आहेत.

‘धमाका’चा ट्रेलर होणार रिलीज!

कार्तिक आर्यन स्टारर ‘धमाका’ ओटीटीवर रिलीज होणार आहे. हा विशेष चित्रपट ओटीटी प्लॅटफॉर्म नेटफ्लिक्सवर सादर केला जाईल. कार्तिक आणि त्याच्या चाहत्यांना या चित्रपटाकडून मोठ्या आशा आहेत. काही काळापूर्वी धमकाचा ‘टीझर’ रिलीज झाला होता, जो चाहत्यांना खूप आवडला होता.

‘धमका’चा टीझर रिलीज होऊन सहा महिन्यांहून अधिक कालावधी झाला असला तरी या चित्रपटाच्या रिलीजबाबत कोणतीही विशिष्ट माहिती समोर आलेली नाही. आता हे स्पष्ट झाले आहे की कार्तिकने चित्रपटाचे शूटिंग पूर्ण केले आहे, आम्ही तुम्हाला सांगू की लवकरच चित्रपटाचा ट्रेलर चाहत्यांसमोर सादर केला जाणार आहे.

हेही वाचा :

Bigg Boss Marathi 3 | ‘बिग बॉस’च्या घरात आरोप-प्रत्यारोपांचा तास, मीनलवर निघाला स्नेहाचा राग!

Video | भालाफेकीत सुवर्ण पटकावणाऱ्या नीरज चोप्राला जेव्हा मुलीला प्रपोज करायला सांगितलं जातं, पाहा रोमँटिक व्हिडीओ