Happy Birthday Vivek Oberoi | ऐश्वर्याशी ब्रेकअपनंतर मंत्र्यांच्या लेकीवर जडला विवेकचा जीव, क्षणाचाही विचार न करता घेतला लग्नाचा निर्णय!

बॉलिवूड अभिनेता विवेक ओबेरॉय (Vivek Oberoi) त्याच्या प्रोफेशनल लाईफ आणि अफेअर्समुळे बऱ्याचदा चर्चेत होता. अखेर प्रियांका अल्वामध्ये खरे प्रेम मिळाले. विवेकने प्रियांकासोबत अरेंज मॅरेज केले आहे. प्रियांका एक सामाजिक कार्यकर्ता असून, तिने अनेक स्वयंसेवी संस्थांसाठी काम केले आहे.

Happy Birthday Vivek Oberoi | ऐश्वर्याशी ब्रेकअपनंतर मंत्र्यांच्या लेकीवर जडला विवेकचा जीव, क्षणाचाही विचार न करता घेतला लग्नाचा निर्णय!
विवेक ओबेरॉय

मुंबई : बॉलिवूड अभिनेता विवेक ओबेरॉय (Vivek Oberoi) त्याच्या प्रोफेशनल लाईफ आणि अफेअर्समुळे बऱ्याचदा चर्चेत होता. अखेर प्रियांका अल्वामध्ये खरे प्रेम मिळाले. विवेकने प्रियांकासोबत अरेंज मॅरेज केले आहे. प्रियांका एक सामाजिक कार्यकर्ता असून, तिने अनेक स्वयंसेवी संस्थांसाठी काम केले आहे. विवेक आणि प्रियांका दोघेही सोशल मीडियावर खूप सक्रिय आहेत. प्रियंका कदाचित मनोरंजन उद्योगातील नसेल, पण ती विवेकचे काम समजून घेते आणि त्याला पूर्ण पाठिंबा देते. दुसरीकडे विवेक प्रियांकाला तिच्या एनजीओच्या कामामध्ये पाठिंबा देतो.

विवेक ओबेरॉयचा जन्म 3 सप्टेंबर 1976 रोजी हैदराबाद येथे झाला. त्यांच्या वडिलांचे नाव सुरेश ओबेरॉय आहे जे बॉलिवूडचे ज्येष्ठ अभिनेते आहेत. त्यांच्या आईचे नाव यशोधरा ओबेरॉय आहे. विवेकने आपले प्राथमिक शिक्षण हैदराबाद पब्लिक स्कूल, हैदराबाद येथून केले. त्यानंतर तो पुढील अभ्यासासाठी मेयो अजमेरला गेला. फिल्मी कुटुंबातील असल्याने त्यांना अभिनयातही रस होता. यामुळे अभिनयाचे बारकावे जाणून घेण्यासाठी तो न्यूयॉर्कला गेला.

पहिला चित्रपट हिट ठरला

विवेकने आपल्या फिल्मी कारकिर्दीची सुरुवात राम गोपाल वर्मा यांची फिल्म ‘कंपनी’मधून केली. या चित्रपटात त्याच्यासोबत अजय देवगण देखील दिसला होता. या चित्रपटाने बॉक्स ऑफिसवर जबरदस्त व्यवसाय केला. या चित्रपटासाठी विवेकला फिल्मफेअर सर्वोत्कृष्ट पदार्पण अभिनेत्याचा पुरस्कारही मिळाला होता. यानंतर त्यांनी रोड, डीएम सारख्या चित्रपटांमध्ये काम केले.

बॉलिवूडमध्ये एन्ट्री करताना विवेकचा अभिनय सर्वांना आवडला असला, तरी त्याचे चित्रपट फारसे हिट झाले नाहीत. चित्रपटांबरोबरच विवेक ऐश्वर्यासोबतच्या अफेअरच्या बातम्यांमुळे खूप चर्चेत होता. बातमीनुसार, विवेकला सलमान खानने धमकी दिली होती, त्यानंतर विवेकचे ऐश्वर्यासोबत ब्रेकअप झाले.

लग्न करून भूतकाळ विसरावा ही आईची इच्छा!

ऐश्वर्यानंतर विवेक कोणत्याही अभिनेत्रीला डेट करत असल्याच्या बातम्या आल्या नाहीत. एवढेच नाही तर तो काही काळ चित्रपटसृष्टीतून गायब झाला होता. ऐश्वर्यासोबत ब्रेकअप झाल्यानंतर विवेकने अरेंज मॅरेज केले. विवेकची पत्नी प्रियंका अल्वा कर्नाटकचे माजी मंत्री दिवंगत जीवराज अल्वा यांची मुलगी आहे. विवेक आणि प्रियांकाची प्रेमकथा बरीच रोचक आहे. विवेकच्या पालकांची इच्छा होती की विवेकने लवकरात लवकर लग्न करावे जेणेकरून तो आपला भूतकाळ विसरेल. विवेक त्यावेळी आई यशोधरा ओबेरॉयसोबत लंडनमध्ये राहत होता.

विवेकच्या आईने त्याला सांगितले की, प्रियांका फ्लोरेन्समध्ये आहे आणि त्याने जाऊन तिला भेटायला हवे, पण विवेक प्रियंकाला भेटायला तयार नव्हता. त्याने त्याच्या आईला सांगितले की, जर प्रियांका त्याला आवडली तर तो आधी तिला एक वर्ष डेट करेल आणि नंतर पुढच्या वर्षी तिच्याशी लग्न करेल. विवेकच्या आईने ही अट मान्य केली आणि विवेक प्रियंकाला भेटण्यासाठी फ्लोरेन्सला गेला. विवेकला प्रियंका इतकी आवडली की, त्याने एक वर्ष वाट पाहिली नाही आणि लगेच 2010 मध्ये लग्न केले.

वर्कफ्रंट

वर्क फ्रंटबद्दल बोलायचे तर, विवेक शेवट ‘पीएम नरेंद्र मोदी’ या चित्रपटात दिसला होता. ज्यामध्ये त्याने पंतप्रधान नरेंद्र मोदींची भूमिका केली होती. आता विवेक हॉरर-थ्रिलर चित्रपट ‘रोझी: द केसर चॅप्टर’मध्ये दिसणार आहे. टीव्ही अभिनेत्री श्वेता तिवारीची मुलगी पलक तिवारी देखील या चित्रपटात दिसणार आहे. पलकचा हा पहिलाच चित्रपट असणार आहे. चित्रपटांव्यतिरिक्त, व्यवसायिक कुटुंबातील विवेक स्वतःचे प्रॉडक्शन हाऊस देखील चालवतो. एवढेच नाही तर त्याने अनेक स्टार्ट अप मध्ये गुंतवणूक केली आहे. यापैकी बहुतेक आरोग्य आणि शिक्षणाशी संबंधित आहेत.

हेही वाचा :

‘तुम्ही स्वतःचा जीव धोक्यात घालून इतरांचा जीव वाचवता, सलाम!’, सिद्धार्थ शुक्लाची शेवटची पोस्ट फ्रंटलाईन योद्ध्यांसाठी!

पायल रोहतगीच्या वकिलाने अभिनेत्रीविरोधात एफआयआर नाकारला, जाणून घ्या काय आहे प्रकरण?

Read Full Article

Click on your DTH Provider to Add TV9 MARATHI