Corona | कपूर परिवारावर कोरोनाचा कहर! अर्जुन, अंशुला, रियासह करण बुलानीला कोरोनाची लागण
बॉलिवूड सेलिब्रिटींवर कोरोनाचा कहर वाढताना दिसत आहे. करीना कपूर खान आणि अमृता अरोरा यांच्यानंतर आता ‘कपूर’ परिवार कोरोनाचा शिकार ठरला आहे. ई टाइम्सच्या वृत्तानुसार, अर्जुन कपूर, अंशुला कपूर, रिया कपूर आणि करण बुलानी कोरोना पॉझिटिव्ह असल्याचे समोर आले आहे. हे सर्वजण आता घरी क्वारंटाईन आहेत.
मुंबई : बॉलिवूड सेलिब्रिटींवर कोरोनाचा कहर वाढताना दिसत आहे. करीना कपूर खान आणि अमृता अरोरा यांच्यानंतर आता ‘कपूर’ परिवार कोरोनाचा शिकार ठरला आहे. ई टाइम्सच्या वृत्तानुसार, अर्जुन कपूर, अंशुला कपूर, रिया कपूर आणि करण बुलानी कोरोना पॉझिटिव्ह असल्याचे समोर आले आहे. हे सर्वजण आता घरी क्वारंटाईन आहेत.
बोनी कपूर यांचीही तब्येत ठीक नव्हती, पण वेबसाईटच्या माहितीनुसार त्यांचा कोरोना रिपोर्ट निगेटिव्ह आला आहे.
अर्जुनला या आधीही कोरोनाची लागण!
यापूर्वीही अर्जुन कपूर कोरोनाचा बळी ठरला आहे. गेल्या वर्षी सप्टेंबरमध्ये तो कोरोना पॉझिटिव्ह असल्याचे समोर आले होते. त्यावेळी त्याने स्वत: सोशल मीडियावर पोस्ट करून याबाबत माहिती दिली होती. मागच्या वेळीही अर्जुनने स्वतःला घरी क्वारंटाईन केले होते.
अंशुलाचा वाढदिवस
आज (29 डिसेंबर) अंशुलाचा वाढदिवस देखील आहे आणि नेमकी आजच ती कोरोना पॉझिटिव्ह असल्याची माहिती समोर आली आहे. अंशुला आणि अर्जुनने आज सोशल मीडियावर अनेक पोस्ट शेअर केल्या आहेत. परंतु, अद्याप त्यांनी कोरोना झाल्याबद्दल काहीही पोस्ट केलेले नाही किंवा कोणतीही माहिती दिलेली नाही.
रिया कपूरने दिली अपडेट
रिया कपूरने आपण कोरोना पॉझिटिव्ह असल्याची माहिती सोशल मीडियावर दिली आहे. अभिनेत्रीने इंस्टाग्राम स्टोरीवर लिहिले, ‘होय, पूर्ण खबरदारी घेतल्यानंतरही मी कोरोना पॉझिटिव्ह झाले आहे. ही माझी खाजगी बाब आहे, पण मला कळत नाही की, हा इतका मोठा मुद्दा का बनवला जात आहे. ही माहिती फक्त सरकारी आणि मेडिकलशी संबंधित लोकांसाठी आहे, जेणेकरून ते त्यांचे काम करू शकतील, इतर कोणत्याही गॉसिप साईटसाठी नाही.’
View this post on Instagram
रियाने पुढे लिहिले की, ‘मी आणि माझे पती क्वारंटाईन आहोत आणि पूर्ण खबरदारी घेत आहोत. डोकेदुखी आहे. पण आशा आहे की, आम्ही लवकर बरे होऊ. आमच्या आरोग्याबद्दल विचारणा करणाऱ्यांच्या प्रेमाबद्दल धन्यवाद.’ आता कपूर कुटुंबातील बाकीच्यांच्या तब्येतीची चिंता चाहत्यांना लागली आहे. जान्हवी, खुशीचा कोरोना रिपोर्ट येणे बाकी आहे. जान्हवी नुकतीच सहलीनंतर घरी परतली आहे.
हेही वाचा :
