Jai Bhim : वाढदिवसाच्या निमित्तानं दाक्षिणात्य अभिनेता सूर्यानं चाहत्यांना दिली खास भेट, शेअर केला ‘जयभीम’चा फर्स्ट लूक
सूर्या या चित्रपटात एका वकीलाची भूमिका साकारणार असल्याचं पोस्टरवरून स्पष्ट झाले आहे. (Southern actor Suriya shared 'Jai Bhim's first look)
मुंबई : वाढदिवसाच्या निमित्तानं (Birthday Special) दाक्षिणात्य अभिनेता सूर्यानं (Tamil actor Suriya ) ट्विटरवर आपल्या आगामी चित्रपट ‘जय भीम’चा (Jai Bhim) पहिला लुक शेअर केला आहे. महत्त्वाचं म्हणजे त्याला वकिलाच्या रुपात पाहून चाहत्यांना आनंद झाला आहे. अभिनेत्यानं शुक्रवारी (23 जुलै) आपल्या ट्विटरवर त्याच्या नव्या चित्रपटाचं रूप दाखवणारे दोन फोटो शेअर केले आहेत. त्यानं कॅप्शनमध्ये लिहिलं की, “# जयभीम ‘चा फर्स्ट लूक शेअर करण्यास उत्साहित”.
चित्रपटात साकारणार वकीलाची भूमिका
सूर्या या चित्रपटात एका वकीलाची भूमिका साकारणार असल्याचं पोस्टरवरून स्पष्ट झाले आहे. या चित्रपटाचे दिग्दर्शन टी.एस. ज्ञानवेल यांनी केलं असून सूर्याशिवाय रशिशा विजयन आणि माणिकंदन मुख्य भूमिकेत आहेत.
पाहा ट्विट
काल या अभिनेत्यानं पंडिराज दिग्दर्शित त्याच्या आगामी ‘एथरमकुम थुनिधवन’ या चित्रपटाचा टीझर शेअर केला होता. सूर्याचा हा 40 वा सिनेमा असेल. त्याचे शेवटचे दोन चित्रपट होते ‘पसंगा 2’ आणि ‘कडायकट्टी सिंगम’. त्याचा पुढील प्रकल्प ‘नवरसा’ हा असणार आहे. जो मणिरत्नम निर्मित आहे आणि नेटफ्लिक्सवर प्रदर्शित होणार आहे.
शुक्रवार (23 जुलै) रोजी 46 वर्षांचा झालेला सूर्या तामिळ चित्रपट अभिनेते शिवकुमार यांचा मुलगा आहे. त्याला एक छोटा भाऊ आहे ज्याचं नाव कार्ती आहे. तो सुद्धा शोबिजमध्येही आहे. त्यानं 2006 मध्ये अभिनेत्री ज्योतिकाशी लग्न केलं होतं. (Southern actor Suriya gives special gift to fans on the occasion of his birthday, shared ‘Jai Bhim’s first look)
संबंधित बातम्या
