नाना पाटेकर यांची पत्नी निलकांती काय करतात? कोणता पुरस्कार मिळाला?
नाना पाटेकर यांच्या पत्नी निलकांती पाटेकर या एक ज्येष्ठ अभिनेत्री आणि माजी बँक अधिकारी आहेत. अभिनयासाठी त्यांना राष्ट्रीय पुरस्कारासह राज्य सरकारचा उत्कृष्ट अभिनेत्रीचा पुरस्कारही मिळाला आहे. फिजिक्समध्ये पदवीधर असूनही त्यांनी रंगभूमीवर स्वतःला सिद्ध केले.
अभिनेते नाना पाटेकर यांचं गुरुवारी निधन झालं. गोव्याच्या डोना पाऊला येथील निवासस्थानी ते बेशुद्ध अवस्थेत आढळले होते. त्यामुळे त्यांना तात्काळ रुग्णालयात नेलं असता मृत घोषित करण्यात आलं. पहाटे 5 वाजून 20 मिनिटांनी त्यांचं निधन झालं होतं. कार्डियक अरेस्टने त्यांचं निधन झाल्याचं सांगितलं जातं. पुण्यातील त्यांच्या शेतात त्यांच्या पार्थिवावर अंतिम संस्कार करण्यात आले. नाना पाटेकर यांच्या निधनाने संपूर्ण देशावर शोककळा पसरली आहे. त्यांच्या चाहत्यांना तर हा धक्का पचवणं कठिण झालं आहे
नाना पाटेकर यांचा जन्म 1 जानेवारी 1951 रोजी झाला होता. त्यांचं खरं नाव विश्वनाथ पाटेकर होतं. नानांनी सुरुवातीच्या काळात अत्यंत गरिबीत दिवस काढले होते. त्यांची पत्नी निलकांती पाटेकर यांनी त्यांना फार मोठा आधार दिला होता. निलकांती पाटेकर या माजी बँक अधिकारी आहेत. त्या स्वत: अभिनेत्री आहेत. रंगभूमीवरच्या अत्यंत ताकदीच्या अभिनेत्री म्हणून त्यांची ओळख आहे. 1978मध्ये नाना पाटेकर आणि निलकांती यांचा विवाह झाला होता. गेल्या काही काळापासून दोघे वेगळे राहत होते. पण दोघांनी घटस्फोट घेतलेला नव्हता. मल्हार पाटेकर हा त्यांचा एकूलता एक मुलगा आहे. मल्हार स्वत: सिनेनिर्माते आहेत. नाना साहेब प्रोडक्शन हाऊस ते चालवतात. नाना पाटेकर यांना दुर्वास नावाचाही मुलगा होता. पण दोन वर्षाचा असतानाच दुर्वासचा मृत्यू झाला होता. मुलाच्या मृत्यूने नाना पाटेकर प्रचंड खचले होते.
कोण आहेत निलकांती पाटेकर?
नाना पाटेकर यांना पद्मश्री पुरस्काराने सन्मानित करण्यात आलं होतं. त्यांना तीन वेळा राष्ट्रीय पुरस्कार मिळाले होते. नाना पाटेकर यांची पत्नी निलकांती या सुद्धा अत्यंत ताकदीच्या अभिनेत्री आहेत. त्यांनाही राष्ट्रीय पुरस्कार मिळालेला आहे. त्यांनी विक्की कौशल आणि रश्मिका मंदाना यांच्या छावा सिनेमात काम केलंय.
निलकांती पाटेकर यांचा जन्म पुण्यात झाला होता. त्यांचे वडील सेंट्रल एक्साइज डिपार्मटमेंटमध्ये होते. दर तीन वर्षांनी त्यांची बदली व्हायची. त्यामुळे निलकांती यांचं बालपणही वेगवेगळ्या शहरांमध्ये गेलं. निलकांती यांनी फिजिक्समध्ये पदवी घेतलेली आहे. त्यांनी वडिलांच्या सांगण्यावरून आयआयटीची एंट्रन्स एक्झाम दिली होती. त्यात त्यांना यशही आलं होतं. पण त्यांचं मन अभिनय आणि रंगभूमीवर अधिक रमलं होतं. त्यामुळे त्यांनी नोकरी ऐवजी अभिनय क्षेत्र निवडलं. त्यांना अभिनयाचे अनेक पुरस्कारही मिळालेले आहेत. 1973 मध्ये महाराष्ट्र राज्य नाट्य स्पर्धेत बेस्ट अभिनेत्रीचं सुवर्ण पदक मिळालं होतं.
त्यांनी अभिनयासोबत बँकेत नोकरीही केली. सिनेमापेक्षा त्या रंगभूमीवर अधिक रमल्या होत्या. एका मराठी नाटकाच्या वेळी त्यांची नाना पाटेकर यांच्याशी भेट झाली. भेटीचं रुपांतर प्रेमात झालं आणि नंतर दोघांनी लग्न केलं.
महाराष्ट्र सरकारचा पुरस्कार
1989मध्ये सचिनच्या आत्मविश्वास सिनेमात त्यांनी काम केलं होतं. या सिनेमातील भूमिकेबद्दल राज्य सरकारने त्यांना उत्कृष्ट अभिनेत्रीचा पुरस्कार देऊन गौरवलं होतं. या सिनेमात सचिनच हिरो होते. तसेच या सिनेमाचं दिग्दर्शनही सचिन यांनीच केलं होतं.
