Tiger Shroff: टायगर श्रॉफवर गोळीबार होताच Ex-Gf दिशा पटाणीने उचलले मोठे पाऊल, थेट…

Tiger Shroff

बॉलिवूड अभिनेता टायगर श्रॉफवर जुहूच्या पुष्पा पार्क परिसरात हल्ला झाला. दोन अज्ञात व्यक्ती अचानक आले आणि त्यांनी टायगरच्या कारवर हल्ला केला. या हल्ल्यातून टायगर श्रॉफ थोडक्यात बचावला आहे. पण त्याचा ड्रायव्हर आणि तेथील रिक्षा चालक जखमी झाले. जखमींना रुग्णालयात नेण्यात आलं असून त्यांच्यावर उपचार सुरू करण्यात आले आहेत. या हल्ल्याची जबाबदारी लॉरेन्स बिश्नोई गँगने घेतली आहे. टायगरवर हल्ला झाल्याचे कळताच एक्स गर्लफ्रेंड दिशा पटानीने मोठे पाऊल उचलले आहे.

टायगरची एक्स गर्लफ्रेंड दिशा पटाणीला जुहू येथे घडलेला प्रकार कळताच ती पळत टायगरच्या निवासस्थानी गेली. तिने टायगरची भेट घेतली. तसेच टायगरची बहिण कृष्णा श्रॉफ देखील टायगला भेटायला गेली. महाराष्ट्राचे उपमुख्यमंत्री एकनाथ शिंदे यांनीही अभिनेत्याच्या घरी भेट दिली, तर मुख्यमंत्री देवेंद्र फडणवीस यांनी टायगरला फोन करून पाठिंबा व्यक्त केला. टायगर श्रॉफच्या कारवर अज्ञात व्यक्तींनी गोळीबार केला आणि दोन जण जखमी झाले. या हल्ल्यातून टायगर कसाबसा वाचला, या घटनांनंतर काही तासांतच ही भेट झाली.

दिशा आणि टायगरच्या कुटुंबियांचे जवळचे संबंध

दिशा पटाणीचे टायगर आणि त्याच्या कुटुंबासोबत जवळचे मैत्रीचे संबंध आहेत. घटनेनंतर ती त्याच्या निवासस्थानी पोहोचताना दिसली. दिशा पटाणी अतिशय उदास दिसत होती. बॉलिवूड कलाकारांच्या सुरक्षिततेबाबत वाढत्या चिंतेच्या पार्श्वभूमीवर ज्येष्ठ राजकीय नेत्यांनी भेटी दिल्या आणि फोन केले. या घटनेत टायगर घाबरला होता, तर त्याचा ड्रायव्हर गोळी लागून जखमी झाला होता. मुंबई पोलिसांनी दोषींना शोधण्यासाठी मोठी तयारी केली आहे आणि तसेच चौकशी सुरू आहे.

जॅकी श्रॉफ यांनी पुष्टी केली की मुलगा टायगर सुरक्षित आहे

या हल्ल्यानंतर अनेक बॉलिवूड कलाकारांनी प्रतिक्रिया दिल्या आहेत. अभिनेता आणि दिग्दर्शकांनी चिंता व्यक्त केली आहे. रणवीर शौरी, दिग्दर्शक राहुल धोलकिया आणि पूनम पांडे यांनीही प्रतिक्रिया दिल्या. त्यांनी कायदा-सुव्यवस्था आणि मुंबईतील लोकांच्या सुरक्षिततेबाबत चिंता व्यक्त केली. टायगरचे वडील अभिनेते जॅकी श्रॉफ यांनी नंतर पत्रकारांना सांगितले की त्यांचा मुलगा सुरक्षित आहे.