हृदयविकाराच्या झटक्याने गोविंदाच्या पुतण्याचा मृत्यू
मुंबई : अभिनेता गोविंदाचा पुतण्या जन्मेंद्र अहुजाचा हृदयविकाराच्या झटक्याने मृत्यू झालाय. सकाळी अचानक जन्मेंद्रला त्रास सुरु झाला आणि तो खाली पडला. यानंतर त्याला जवळच्या रुग्णालयात नेण्यात आलं, पण तिथे जाईपर्यंत त्याची प्राणज्योत मालवली, अशी माहिती गोविंदाच्या नातेवाईकांकडून देण्यात आली. जन्मेंद्र मुंबईतील वर्सोव्यात राहत होता. गुरुवारी दुपारी पवन हंस स्मशानभूमीत जन्मेंद्रवर अंत्यसंस्कार करण्यात आले. यावेळी गोविंदा, […]
मुंबई : अभिनेता गोविंदाचा पुतण्या जन्मेंद्र अहुजाचा हृदयविकाराच्या झटक्याने मृत्यू झालाय. सकाळी अचानक जन्मेंद्रला त्रास सुरु झाला आणि तो खाली पडला. यानंतर त्याला जवळच्या रुग्णालयात नेण्यात आलं, पण तिथे जाईपर्यंत त्याची प्राणज्योत मालवली, अशी माहिती गोविंदाच्या नातेवाईकांकडून देण्यात आली. जन्मेंद्र मुंबईतील वर्सोव्यात राहत होता.
गुरुवारी दुपारी पवन हंस स्मशानभूमीत जन्मेंद्रवर अंत्यसंस्कार करण्यात आले. यावेळी गोविंदा, त्याचा मुलगा यशवर्धन, भाचा कृष्णा आणि इतर नातेवाईक यावेळी उपस्थित होते.
जन्मेंद्र अहुजा हा गोविंदाचा भाऊ किर्ती कुमार यांचा मुलगा होता. जन्मेंद्र अहुजाने 2007 मध्ये जहा जायेंगे हमे पायेंगे या सिनेमाचं दिग्दर्शनही केलं होतं, ज्यात गोविंदा प्रमुख भूमिकेत होता, तर कादर खान ज्यांचं नुकतंच निधन झालंय, त्यांचीही भूमिका होती. जन्मेंद्रने गोविंदाच्या प्यार दिवाना होता है या सिनेमात सहाय्यक दिग्दर्शक म्हणून काम केलं होतं.
गोविंदा गेल्या आठवड्यात रिलीज झालेल्या रंगीला राजा या सिनेमात दिसला होता. सेन्सॉर बोर्डाचे माजी अध्यक्ष पहलाज निहलानी यांनी या सिनेमाची निर्मिती केली होती. गोविंदाने मोठ्या कालावधीनंतर 2017 मध्ये आ गया हिरो या सिनेमातून कमबॅक केलं होतं.