‘कच्चा बदाम’ फेम अंजली अरोराच्या कुटुंबात चिमुकल्या पाहुण्याचं आगमन; चाहत्यांकडून शुभेच्छांचा वर्षाव

मुंबई : ‘कच्चा बदाम’ या सोशल मीडियावर तुफान गाजलेल्या गाण्यावर डान्स करत प्रकाशझोतात आलेली अभिनेत्री अंजली अरोरा पुन्हा एकदा चर्चेत आली आहे. टिक-टॉक आणि इन्स्टाग्राम रिल्समुळे तिला चांगली ओळख मिळाली. इन्स्टाग्रामवर तिने 12 दशलक्षांहून अधिक फॉलोअर्स आहेत. तर कंगना रनौतच्या ‘लॉक अप’ या शोमुळेही ती चर्चेत आली होती. मध्यंतरीच्या काळात अंजलीचा एमएमएस व्हिडीओ व्हायरल झाल्याचंही म्हटलं जात होतं. त्यानंतर आता तिचा एक फोटो सोशल मीडियावर तुफान व्हायरल होतोय. या फोटोमध्ये ती एका लहान बाळासोबत पहायला मिळतेय.

अंजलीच्या घरात चिमुकल्या पाहुण्याचं आगमन झालं आहे. त्याचाच आनंद तिने हा फोटो शेअर करत व्यक्त केला आहे. अंजलीच्या या फोटोला अडीच लाखांहून अधिक लाइक्स मिळाले आहेत. तर कमेंट्समध्ये अनेकजण तिला शुभेच्छा देत आहेत. हे बाळ नेमकं कोणाचं आहे, असाही सवाल काही नेटकऱ्यांनी केला आहे. मात्र फोटोमध्ये दिसणारं बाळ हे अंजलीचं नसून तिच्या भावाचं आहे. अंजली आत्या झाली आणि त्याचाच आनंद तिने चाहत्यांसोबत शेअर केला आहे.

अंजलीने या फोटोच्या कॅप्शनमध्येही स्पष्ट केलं आहे की ती आत्या झाली आहे. या फोटोमध्ये सोफ्यावर बसलेली अंजली बाळाकडे आनंदाने पाहताना दिसत आहे. अंजलीने कॅप्शनमध्ये स्पष्ट केलं असलं तरी काहींनी या फोटोवरून संभ्रम व्यक्त केला आहे. ‘तुझं बाळ तुझ्याइतकंच क्यूट असेल’, असं एकाने लिहिलं आहे. तर ‘तुझं बाळ कसं काय? तू लग्न कधी केलंस’, असा सवाल काही युजर्स करत आहेत.

अंजली अरोराला सोशल मीडियातून प्रसिद्धी मिळाली. ‘कच्चा बदाम’ गाण्यावरील डान्समुळे रातोरात प्रकाशझोतात आल्यानंतर अंजलीला ‘लॉक अप’ या रिॲलिटी शोची ऑफर मिळाली. या शोमध्ये तिने तिच्या खासगी आयुष्याविषयी बरेच खुलासे केले होते.

अंजली आणि स्टँडअप कॉमेडियन मुनव्वर फारुखी यांच्यातील नातं लोकांना खूप आवडलं आणि दोघांच्या नावाने हॅशटॅगही बनवण्यात आला. इतकंच नव्हे तर अंजलीने मुनव्वरला प्रपोजही केलं होतं. मात्र शो संपल्यानंतर दोघांचा ब्रेकअप झाला. काही दिवसांपूर्वी अंजली तिच्या एमएमएस व्हिडीओ लीकमुळेही चर्चेत आली होती.