Saif Ali khan-Kareena Kapoor : लग्नाला इतकी वर्षं झाली, पण ‘हा’ विषय निघताच सैफ-करीनाचं हमखास होतं भांडण!

लग्न म्हटलं की प्रेम असतंच, पण तसंच तक्रारी, भांडणही होतात. सगळ्यांच्याच संसारात छोट्या-मोठ्या कुरबूरी होत असतात. मग ती सर्वसामान्य माणसं असोत किंवा फिल्म इंडस्ट्रीतील जोडपी. अभिनेत्री करीना कपूर (Kareena Kapoor) आणि अभिनेता सैफ अली खान (Saif Ali Khan) .. बॉलिवूडमधील बहुचर्चित आणि लोकप्रिय जोडप्यांपैकी ऐक. त्यांची जोडी लोकांना खूप आवडते, त्याचं बरचं कौतुकही होतं. चाहत्याने तर दोघांचा नवा एकत्र करून या जोडीचं नाव सैफीना असंही ठेवलं होतं. बऱ्याचदा हे दोघे एकमेकांचं कौतुक करताना दिसतात, एवढंच नव्हे तर सोशल मीडियावर करीना सैफसोबतच मस्त फोटोही शेअर करते. पण इतर जोडप्यांप्रमाणेच या दोघांमध्येही कधीकधी वाजत, भांडणही होतं, खुद्द करीनानेच याचा खुलासा केला आहे.

एका मुलाखती दरम्यान करीनाला विचारण्यात आलं होतं की तुझ आणि सैफचं भांडण होतं का, झालं तर कोणत्या मुद्यावरून होतं ? त्यावर करीनाने कोणताही आडपडदा न ठेवता, स्पष्टचपणे उत्तर दिलं, (ते) दोघं जेव्हा एकमेकांच्या कामाबद्दल बोलतात, त्यावेळी बऱ्याचदा त्यांचं वाजतं, असं करीनाने सांगितलं.

सैफ करीनाचं भांडण

करीना म्हणाली, ‘ आमचं नेहमी भांडण होतं. एकाच घरात जेव्हा 2 अभिनेते एकत्र राहतात, तेव्हा शेवटी वाजणारच ना. मला त्याच्या फिल्मचा प्रोमो आवडत नाही आणि त्यालाही माझ्या फिल्मचा प्रोमो पसंत पडत नाही. चित्रपटाचा जेव्हा विषय येतो, तेव्हा आम्ही दोघे खूप वेगळी माणसं होतो. मी जास्त विचार करत नाही आणि लगेच रिॲक्ट करते. पण सैफचं तसं नाही, तो खूप तयारी करतो. तो त्याच्या भूमिकेसाठी खूप अभ्यास करतो . पण मी तशी नाही, मी लगेच स्विच ऑन आणि लगेच स्विच ऑफ करते’ , असं करीनाने नमूद केलं.

जाहिरातींवर मुलांची रिॲक्शन

याचवेळी बोलता बोलता करीनाने त्यांच्या जाहिरातीबद्दल मुलांची रिॲक्शन काय असते, तेही सांगितलं. ‘ आता ते ( मुलं) माझ्या जाहिराती खूप पाहतात. त्यांच्यासमोर माझ्या जाहिराती लागल्यावर मला कसं वाटतं, ते मलाच माहीत नाही. त्यांनी त्या (जाहिराती) पहाव्यत की नाही, तेही मला माहीत नाही, या एका बॅटलमधून मी जात असते ‘ असं करीना म्हणाली.

पुढे तिने एक किस्सा सांगितला, ‘ जर तैमूरने माझी एखादी जाहिरात पाहिली, त्यात मी जर पाऊट करत असेन, तर तो मला विचारतो तू हे काय करत्येस ? मग मी त्याला सांगते अरे ही फक्त 1 जाहिरात आहे. पण तरीही तो माझा पिच्छा सोडत नाही, विचारत राहतो की मी असं का केलंय .. सोडून दे ना ते.. असं मी त्याला सांगत असते, ‘ असंही करीनाने सांगितलं.

प्रोफेशनल लाइफ

करीनाच्या प्रोफेशनल लाइफ बद्दल बोलायचं झालं तर ती लवकरच दायरा या चित्रपटात दिसणार आहे. या चित्रपटात तिच्यासोबत पृथ्वीराज सुकुमारन हा लीड रोलमध्ये आहे. हा चित्रपट एक क्राईम थ्रिलर असून मेघना गुलजार यांनी त्याचं दिग्दर्शन केलंय. 18 सप्टेंबर रोजी हा चित्रपट रिलीज होणार आहे.