53 व्या वर्षी सैफ अली खानची फिटनेस पाहून बेबो ही स्वत:ला रोखू शकली नाही
53 व्या वर्षी सैफ अली खानची फिटनेस पाहून अनेकांच्या भुवया उंचावल्या आहेत. करिनाने त्याचा शर्टलेस फोटो सोशल मीडियावर शेअर केलवा आहे, या फोटोमध्ये सैफ त्याचे ॲब्स दाखवताना आणि त्याची परफेक्ट बॉडी फ्लाँट करताना दिसत आहे. अभिनेत्याचा हा फोटो त्याची पत्नी करिनाने स्वतः शेअर केला आहे.
करीना कपूर खान काही दिवसांपूर्वीच युरोपवरुन परतली आहे. परतल्यानंतर अभिनेत्री सतत तिच्या इन्स्टाग्राम अकाऊंटवर फोटो शेअर करत आहे. अभिनेत्रीने सैफचा शर्टलेस फोटो शेअर केला आहे जो मोठ्या प्रमाणात व्हायरल होत आहे. या फोटोमध्ये सैफ खांबाजवळ उभा असताना किलर पोज देताना दिसत आहे. त्याचं वय लक्षात घेता त्यांच्या फिटनेसची यामुळे चर्चा होत आहे.
सैफ अली खानचा हा फोटो युरोप ट्रिपचा आहे. या फोटोत तो पोज देताना दिसत आहे. त्याचे ऍब्स तो दाखवत आहे. डोक्यावर टोपी घातली आहे. करिनाने स्वतः हा फोटो ही तिच्या अधिकृत इंस्टाग्रामवर शेअर केला आहे, ज्यावर लोक कमेंट करत आहेत. अभिनेत्याच्या फिटनेसची ती प्रशंसा करत आहे.
View this post on Instagram
करिनाने हा फोटो शेअर करत कॅप्शनमध्ये लिहिले की – ‘डॅडी ओ… समर 2024.’ या फोटोला लाखो लोकांनी लाईक केले आहे. करिनाने याआधी तिचा बिकिनी फोटो शेअर केला होता. हा एक मिरर सेल्फी होता ज्यामध्ये करीना हिरव्या रंगाच्या बिकिनीवर शर्ट घालून स्वतःचा फोटो क्लिक करताना दिसली होती. या फोटोमध्ये, अभिनेत्रीने तिच्या चेहऱ्यावर गॉगल घातला होता आणि केसांना वर करून उंच अंबाडा बनवला होता.
View this post on Instagram
प्रोफेशनल लाईफबद्दल बोलायचे झाले तर सैफ अली खान शेवटचा ‘आदिपुरुष’मध्ये रावणाच्या भूमिकेत दिसला होता. तर करिना नुकतीच ‘क्रू’ चित्रपटात दिसली होती. या चित्रपटात करीनासोबत तब्बू आणि क्रिती सेनन होती. मात्र या चित्रपटाला चांगला प्रतिसाद नाही मिळाला. या चित्रपटाचे प्रमोशन करीना आणि इतर स्टार्सनी जोरदार केले होते. पण टीमला अपेक्षित असे कलेक्शन हा चित्रपट करू शकला नाही. सध्या करिनाचा आगामी चित्रपट ‘द बकिंघम मर्डर्स’ आहे जो यावर्षी 13 सप्टेंबर रोजी थिएटरमध्ये प्रदर्शित होणार आहे.
