Mira Rajput: शाहिदचा EX Gfने पत्नी मिराला विचारला असा प्रश्न की.. सर्वांच्या भुवया उंचावल्या
Kareena Kapoor: करीना कपूरने नुकतेच तिच्या शोमध्ये एका गेस्टला आमंत्रित केले होते. ती गेस्ट दुसरी तिसरी कोणी नसून तिच्या EX ची पत्नी आहे.
करीना कपूर तिच्या ‘व्हॉट वुमन वॉन्ट’ या चॅट शोसाठी वेगवेगळ्या लोकांना चर्चेसाठी बोलवत असते. या अभिनेत्रीने या टॉक शोचे पाच सीझन झाले असून ती पुढच्या सीझनचे चित्रीकरण करत आहे. अलीकडेच, करीना कपूरने पंकज त्रिपाठीसोबतचे फोटो शेअर केले आणि जाहीर केले की हे ज्येष्ठ अभिनेते तिच्या शोमध्ये येणार आहेत. नुकतीच तिच्या शोमध्ये आता तिच्या EX ची बायको आली असून तिच्यासोबतचे फोटो तिने शेअर केले आहेत.
शाहिद कपूरची पत्नी, मीरा राजपूत, देखील करीना कपूरच्या ‘व्हॉट वुमन वॉन्ट’ या चॅट शोमध्ये पाहुणी म्हणून आली होती. करीना आणि मीराने सोशल मीडियावर एकमेकांचे फोटो शेअर केले. त्यांनी एकमेकांचे भरभरून कौतुक केले. करीना कपूर आणि मीरा राजपूतने इन्स्टाग्रामवर एकमेकांवर कौतुकाचा वर्षाव केला आणि एकमेकांना सुंदर व अद्भुत व्यक्ती म्हटले.
मीरा राजपूतने शोच्या चित्रीकरणातील फोटो शेअर केले आणि करीनाचे आभार मानले. तिने लिहिले, “महिलांना स्वत:सारखे राहायलाच जास्त आवडते.” करीना, मला आमंत्रित केल्याबद्दल तुझे आभार.” करीना कपूरनेही मीरा राजपूतच्या पोस्टवर प्रतिक्रिया दिली आहे. खरंच धन्यवाद तु आल्याबद्दल.” करीनाने तिच्या शोमध्ये मीराला असे काही प्रश्न विचारले की मीराही गांगरली.
करीना कपूर आणि मीरा राजपूत एकमेकींचे फोटो शेअर करत आणि एकमेकींची प्रशंसा करत असल्यामुळे सोशल मीडिया वापरकर्त्यांमध्ये उत्सुकता निर्माण झाली आहे. अनेक वर्षे या दोघींमध्ये शीतयुद्ध सुरू होते. आई झाल्यानंतर मीरा राजपूतने नोकरी करणाऱ्या महिलांबद्दल एक टिप्पणी केली होती, जी लोकांनी आणि सोशल मीडियाने थेट करीनावर लादली होती. मीरा म्हणाली होती की, तिच्या मते मुले पाळीव कुत्र्यांसारखी नाहीत, ज्यांना दिवसभर घरी एकटे सोडून फक्त संध्याकाळी भेटायला जाता येईल. जरी या दोघींनी कधीही एकमेकींवर उघडपणे टीका केली नसली तरी, हा करीनावर केलेला टोमणा मानला गेला.
शाहिद कपूर आणि मीरा राजपूत यांनी २०१५ मध्ये लग्न केले. त्यांच्या लग्नाआधी, हा अभिनेता करीना कपूरला डेट करत होता. करीना आणि शाहिदने करण जोहरच्या ‘कॉफी विथ करण’ या शोमध्ये आपले नाते उघडपणे मान्य केले होते. ते अनेक वर्षे एकमेकांना डेट करत होते.
