शिवराय साकारणाऱ्या अभिनेत्यांकडून महाराजांना अनोखी मानवंदना, सोशल मीडियावर पोस्ट शेअर करत म्हणाले…
आज शिवजयंती आहे. त्यानिमित्त अनेकांनी सोशल मीडियाच्या माध्यामातून छत्रपती शिवाजी महाराजांना अभिवादन केलंय.
आयेशा सय्यद, मुंबई : आज शिवजयंती (Shivjayanti) आहे. त्यानिमित्त अनेकांनी सोशल मीडियाच्या माध्यामातून छत्रपती शिवाजी महाराजांना (Chhatrapati Shivaji Maharaj) अभिवादन केलंय. शिवाजी महाराजांच्या जीवनावर अनेक चित्रपट बनले. चित्रपट मालिकांमध्ये ज्या कलाकारांनी शिवाजी महाराजांची भूमिका साकारली त्यांनी सोशल मीडियावर पोस्ट शेअर करत महाराजांप्रति आदर व्यक्त केलाय. अभिनेते अमोल कोल्हे (Amol Kolhe), चिन्मय मांडलेकर (Chinmay Mandalekar), प्रसाद ओक (Prasad Oak) , शरद केळकर (Sharad Kelkar), यांनी आपल्या सोशल मीडियावरून महाराजांना अभिवादन कलंय.अमोल कोल्हे सध्या स्वराज्य सौदामिनी ताराराणी या मालिकेत शिवाजी महाराजांची भूमिका साकारत आहेत. तान्हाजी या हिंदी चित्रपटात शरद केळकरने महाराजांची भूमिका केली आहे. चिन्मय मांडलेकर याने फत्तेशिकस्त चित्रपटात शिवाजी महाराजांची भूमिका साकारली. प्रसाद ओकने हिरकणी या सिनेमात शिवाजी महाराजांची भुमिका साकारली आहे.
अमोल कोल्हे
अभिनेते डॉ. अमोल कोल्हे पुन्हा एकदा छत्रपती शिवाजी महाराजांची भूमिका साकारणार आहेत. आज शिवाजी महाराजांची जयंती आहे. सगळीकडे उत्साहाचं वातावरण आहे. अश्यातच आज स्वराज्य सौदामिनी ताराराणी या मालिकेचा शिवजयंती विशेष भाग दाखवला जाणार आहे. यात अमोल कोल्हे पुन्हा एकदा शिवरायांची भूमिका साकारताना पहायला मिळणार आहेत.याविषयीची पोस्ट शेअर करत अमोल कोल्हेंनी महाराजांना अभिवादन केलंय.
शरद केळकर
अभिनेता शरद केळकर यानेही आपल्या इन्स्टाग्रामवर एक व्हीडिओ शेअर करत त्यांच्या प्रतिआदर व्यक्त केला आहे.”अखंड महाराष्ट्राचे आराध्य दैवत श्रीमंतयोगी छत्रपती शिवाजी महाराज जयंतीनिमित्त सर्व शिवभक्तांना हार्दिक भगव्या शिवमय शुभेच्छा”, असं कॅप्शन शरदने आपल्या पोस्टला दिलं आहे. तान्हाजी या हिंदी चित्रपटात त्याने महाराजांची भूमिका केली आहे.
प्रसाद ओक
प्रसाद ओकनेही एक फोटो शेअर करत सगळ्यांना शिवजयंतीच्या शुभेच्छा दिल्या आहेत. “जय भवानी… जय शिवराय..!!!”, असं प्रसादने आपल्या पोस्टमध्ये म्हटलंय. हिरकणी या सिनेमात प्रसादने शिवाजी महाराजांची भुमिका साकारली आहे.
चिन्मय मांडलेकर
चिन्मय मांडलेकर याने फत्तेशिकस्त चित्रपटात शिवाजी महाराजांची भूमिका साकारली होती. त्यानेही इन्स्टावर एक फोटो शेअर केला आहे.
संबंधित बातम्या