खुर्चीवर मृतदेह, बांधलेले हात आणि..प्रसिद्ध अभिनेत्रीच्या पित्याची निदर्यतेने हत्या
लोकप्रिय अभिनेत्रीच्या वडिलांची हत्या झाल्यामुळे सर्वत्र खळबळ माजली आहे. पोलिसांना संशयास्पद परिस्थितीत आढळला आहे... खुर्चीवर हात बांधलेल्या अवस्थेत अभिनेत्रीच्या वडिलांचा मृतहेद आढळला आहे.
सिनेविश्वातून एक धक्कादायक बातमी समोर येत आहे. एका प्रसिद्ध आणि लोकप्रिय अभिनेत्रीच्या वडिलांचा हत्या करण्यात आली आहे. घटनेची माहिती मिळतात पोलीस घटनास्थळी पोहोचले, तेव्हा त्यांना अभिनेत्रीच्या वडिलांचा मृतदेह संशयास्पद अवस्थेत आढळला… सध्या पोलीस संबंधित प्रकरणाची कसून चौकशी करत असून, पाच तरुणांवर त्यांनी संशय व्यक्त केला आहे. धक्कादायक गोष्ट म्हणजे, बंगल्यात असलेले दागिने आणि सीसीटीव्ही कॅमेरे देखील गायब आहे. त्यामुळे नक्की काय झालं आणि अभिनेत्रीच्या वडिलांची हत्या का करण्यात आली… यावर पोलीस चौकशी करत आहेत.
ज्या अभिनेत्रीच्या वडिलांची हत्या करण्यात आली, त्या अभिनेत्रीचं नाव, विष्णूप्रिया असं आहे. विष्णूप्रिया ही तामिळ सिनेविश्वातील प्रसिद्ध आणि लोकप्रिय अभिनेत्री आहे. विष्णूप्रिया हिचे वडील सुर्यनारायणन यांची वयाच्या 73 व्या वर्षी हत्या करण्यात आली आहे. कोडईकनाल येथील एका बंगल्यात त्यांचा मृतदेह आढळून आला… आता पोलिसांनी याप्रकरणी चौकशी करण्यास सुरुवात केली आहे. त्यांचा मृतदेह स्विमिंगपूलच्या बाजूला खुर्चीवर हात बांधलेल्या आवस्थेत आढळला.
सांगायचं झालं तर, कोडाईकनाल हे एक लोकप्रिय पर्यटन स्थळ आहे, परंतु या हत्येने संपूर्ण परिसरात खळबळ उडाली आहे. सूर्यनारायणन यांचा मृतदेह कुरिन्जी अंदावर मंदिराजवळील एका बंगल्यात आढळला. या बंगल्यातील काही खोल्या भाड्याने देखील पर्यटकांना दिल्या जातात. पोलिसांनी दिलेल्या माहितीनुसार, गेल्या दोन दिवसांपासून पाच करुन बंगल्यात भाड्याने राहत होते. त्यामुळे अभिनेत्रीच्या वडिलांच्या हत्याचा संशय तरुणांवर आहे… घरातून सोन्याचे दागिने आणि सीसीटीव्ही हार्ड डिस्कही गायब आहे. बंगल्यातील दोन कर्मचारी अरुमुगम आणि मुरली यांनाही दोरीने बांधलेले आढळले. पोलिस दोघांचीही चौकशी करत आहेत.
जुनं प्रकरण देखील आलं समोर..
सूर्यनारायणन यांच्या हत्येमागे पोलिस एका जुन्या प्रकरणाचा देखील तपास करत आहेत. 2018 मध्ये प्रभाकरन यांच्या हत्येप्रकरणी सूर्यनारायणन यांना अटक करण्यात आली होती. कथित रित्या सांगायचं झालं तर, प्रभाकरण आणि विष्णुप्रिया रिलेशनशिपमध्ये होते… अद्याप याबद्दल पोलिसांना अधिकृत माहिती मिळालेली नाही. पण तपास करण्यासाठी सर्व बाजूंनी चौकशी करणं गरजेचं आहे. विष्णूप्रिया हिच्याबद्दल सांगायचं झालं तर, सध्या ती चेन्नई येथे राहत आहे.
