Ramayana Siya Ram First Look: ‘रामायण’ सिनेमातील पहिले गाणे प्रदर्शित, ‘सिया राम’चा पहिला लूक करेल हृदयाला स्पर्श

बहुप्रतिक्षित आणि बहुचर्चित पौराणिक चित्रपट ‘रामायण’ गेल्या काही दिवसांपासून चर्चेत आहे. नितेश तिवारी दिग्दर्शित या सिनेमात रणबीर कपूर आणि साई पल्लवी मुख्य भूमिकेत आहेत. या चित्रपटाचा आता पहिला लूक समोर आला आहे. एक टीझर पोस्टर सोशल मीडियावर शेअर करण्यात आले आहे. हे टीझर पोस्टर सध्या चर्चेचा विषय ठरला असून अनेकांची उत्सुकता शिगेला पोहोचली आहे. त्यानंतर आता चित्रपटातील पहिले गाणे प्रदर्शित झाले आहे.

रामायण या चित्रपटातील पहिले गाणे ‘जय जय राम’ रिलीज झाले आहे. त्याआधी निर्मात्यांनी ‘सिया राम’चे एक मोशन पोस्टर रिलीज केला आहे. उल्लेखनीयबाब म्हणजे ‘रामायणा’चे पहिले गाणे चित्रपटाच्या म्युझिकल कॅम्पेनची सुरुवात असेल.

गणेश चतुर्थीच्या मुहूर्तावर मोशन पोस्टर प्रदर्शित

रणबीर कपूर, साई पल्लवी आणि यश मुख्य भूमिकेत असलेला चित्रपट ‘रामायण’ प्रदर्शित होण्यापूर्वी खूप चर्चेत आहे. १४ सप्टेंबरला गणेश चतुर्थीच्या दिवशी सकाळी ७:३० वाजता ‘सिया राम’ पोस्टरच्या रिलीजसोबत निर्मात्यांनी चित्रपटाच्या म्युझिकल कॅम्पेनची सुरुवात केली. निर्मात्यांच्या मते भगवान गणेशाच्या आशीर्वादाने चित्रपटाच्या म्युझिकल प्रवासाची सुरुवात करणे हे कोणत्याही कामाचे शुभ संकेत आहेत. मोशन पोस्टरचे पार्श्वसंगीतही खूप उत्कृष्ट आहे आणि लोक त्याची प्रशंसा करत आहेत. आता चाहते चित्रपटाच्या पहिल्या गाण्याची वाट पाहत आहेत, जे लवकरच रिलीज होणार आहे.

‘रामायण’चे ‘जय जय राम’ गाणे लवकरच रिलीज होणार

‘रामायण’चे ‘जय जय राम’ गाणे ए.आर. रहमान यांनी संगीतबद्ध केले आहे आणि त्याचे बोल डॉ. कुमार विश्वास यांनी लिहिले आहेत. अरिजीत सिंह आणि श्रेया घोषाल यांनी या गाण्याला आपला आवाज दिला आहे. हे गाणे ‘रामायण’च्या म्युझिकल कॅम्पेनची सुरुवात आहे, जे चित्रपटाच्या प्रमोशनचा एक महत्त्वाचा भाग असेल. पण त्याआधी ‘सिया राम’ पोस्टरवर एक नजर टाकूया.

निर्मात्यांनी केली होती घोषणा

निर्मात्यांनी सोशल मीडियावर ‘सिया राम’ पोस्टर आणि पहिल्या गाण्याच्या लॉन्चची घोषणा केली होती. इंस्टाग्रामवर एक नोट शेअर करत त्यांनी लिहिले, “प्रत्येक शुभ सुरुवात प्रार्थनेने होते. या गणेश चतुर्थीला, रामायणचा म्युझिकल प्रवास सकाळी ७:३० वाजता आमच्या ‘सिया राम’ पोस्टरच्या रिलीजसोबत सुरू होत आहे. त्यानंतर लगेचच आमची पहिली म्युझिकल भेट, ‘जय जय राम’ येणार आहे. संगीत: ए.आर. रहमान, बोल: डॉ. कुमार विश्वास, गायक श्रेया घोषाल आणि अरिजीत सिंह.”

‘रामायण’ची स्टार कास्ट

नितेश तिवारी दिग्दर्शित ‘रामायण’ दोन भागांत रिलीज होणार आहे. चित्रपटात रणबीर कपूरने भगवान श्रीरामची भूमिका साकारली आहे, तर साई पल्लवी माँ सीतेच्या भूमिकेत दिसणार आहे आणि यश रावणाच्या रूपात दिसणार आहेत. उर्वरित कलाकारांमध्ये लक्ष्मणच्या भूमिकेत रवी दुबे आणि हनुमानच्या भूमिकेत सनी देओल दिसणार आहेत. हा चित्रपट जगभरात ६ नोव्हेंबर २०२६ रोजी दिवाळीच्या सुमारास रिलीज होणार आहे. तर हा चित्रपट भारतात ८ नोव्हेंबर २०२६ रोजी रिलीज होणार आहे. ‘रामायण’चा दुसरा भाग २०२७ मध्ये दिवाळीदरम्यान रिलीज होणार आहे.