पुन्हा एकदा रानू मंडल चर्चेत! गायले गोविंदाचे 32 वर्षांपूर्वीचे गाणे, आवाज ऐकून युजर्सही झाले चकीत, Video Viral

एक दिवस अचानक बंगालच्या रेल्वे स्थानकात गाणे गातानाचा व्हिडीओ व्हायरल झाला आणि रानू मंडल रातोरात स्टार झाल्या. पण एक गाणे प्रदर्शित झाल्यानंतर त्या पुन्हा गायब झाल्या. स्ट्रीट सिंगरपासून हिमेश रेशमिया यांच्यासोबत गाण्याचा प्रवास पूर्ण केलेल्या रानू मंडल आता लाइमलाइटपासून दूर असल्या तरी त्यांचे व्हिडीओ सोशल मीडियावर व्हायरल होतच राहतात. आता त्यांचा नवीन व्हिडीओ चर्चेचा विषय ठरला आहे.

नव्या व्हिडीओमध्ये रानू मंडल गोविंदा आणि चंकी पांडे यांच्या रोमँटिक चित्रपटातील गाणे आपल्या गोड आवाजात गाताना दिसत आहेत. खरे तर, १९९४ मध्ये आलेल्या ‘आंखें’ चित्रपटातील सुदेश भोसले, कविता कृष्णमूर्ती, अलका याग्निक आणि कुमार सानू यांनी गायलेले रोमँटिक गाणे ‘लाल दुपट्टे वाली तेरा नाम तो बता’ त्या गात आहेत. हे ऐकल्यानंतर फॅन्स हार्ट इमोजी देऊन प्रतिक्रिया देत असल्याचे दिसत आहे.

रानू मंडलच्या सिंगिंगचा व्हिडिओ व्हायरल

इंस्टाग्रामवर दुली सरकार नावाच्या पेजवर अलीकडेच एक व्हिडीओ शेअर करण्यात आला आहे. यात बेडवर बसलेल्या रानू मंडल ‘आंखें’ चित्रपटातील रोमँटिक गाणे ‘लाल दुपट्टे वाली तेरा नाम तो बता’ गात आहेत. त्यांच्यासोबत बसलेली महिला त्यांच्या गायनाची प्रशंसा करत आहे. गाणे गाताना त्यांचा आवाज आणि एक्स्प्रेशनही खूप आवडत आहे. या व्हिडिओवर फॅन्सनी हार्ट इमोजीद्वारे प्रतिक्रिया दिल्या आहेत. आतापर्यंत १६.८ हजार लोकांनी हा व्हिडिओ लाईक केला असून ४१५ जण कमेंट करत आहेत.

व्हिडीओद्वारे नेहमीच चर्चेत राहतात रानू मंडल

रानू मंडल सोशल मीडियावर आपल्या सुरेल आवाजामुळे नेहमीच लोकप्रिय ठरतात. त्यांचे देशभक्तीपर गीत गातानाचे व्हिडिओ खूप व्हायरल होतात. रोमँटिक गाणीही त्या गात राहतात. मात्र फॅन्स त्यांच्या लुकबद्दल खूप आश्चर्यचकित होतात. कारण हिमेश रेशमिया यांच्यासोबत कोलॅब केल्यानंतर त्यांचा लुक पूर्णपणे बदलला होता. त्यामुळे त्या चर्चेत आल्या होत्या. आता मात्र त्या मध्यमवर्गीय कुटुंबाप्रमाणे जीवन जगत आहेत.

लता मंगेशकरचे गाणे गाऊन चर्चा झाली होती

रानू मंडल २०१९ पासून चर्चेत आहेत. पश्चिम बंगालच्या राणाघाट रेल्वे स्टेशनवर त्यांनी लता मंगेशकर यांचे रोमँटिक गाणे ‘एक प्यार का नगमा है’ गायले होते. त्याचा व्हिडिओ फेसबुकवर व्हायरल झाला. इंटरनेटवर हे गाणे पसरले तेव्हा बॉलिवूडचे प्रसिद्ध गायक आणि संगीतकार हिमेश रेशमिया यांनी त्यांना मोठा ब्रेक दिला. त्यामुळे त्या चर्चेत राहिल्या. मात्र रानूच्या आयुष्यात फारसा बदल झाला नाही. काही काळ चकाकीच्या जगात राहिल्यानंतर त्या पुन्हा गायब झाल्या.