Shilpa Shetty : ‘शिल्पा रक्त पिणारी पिशाचिनी…’, प्रसिद्ध अभिनेत्याचं धक्कादायक वक्तव्य

Shilpa Shetty : अभिनेत्री शिल्पा शेट्टी सध्या तुफान चर्चेत आली आहे. बॉलिवूडच्या एका अभिनेत्याने शिल्पा शेट्टी हिचा उल्लेख रक्त पिणारी पिशाचिनी असा केला आहे… ज्यामुळे सर्वत्र शिल्पा हिची चर्चा रंगली आहे. शिल्पा हिच्याबद्दल असं वक्तव्य करणारा अभिनेता दुसरा तिसरा कोणी नसून विवेक ओबेरॉय आहे. शिल्पा शेट्टी आणि विवेक ऑबेरॉय नुकतेच ‘इंडियन पुलिस फोर्स’ वेब सीरिजच्या माध्यमातून चाहत्यांच्या भेटीस आले. सीरिजमध्ये अभिनेता सिद्धार्थ मल्होत्रा देखील महत्त्वाच्या भूमिकेत झळकला.

वेब सीरिजमध्ये सिद्धार्थ, विवेक आणि शिल्पा महत्त्वाच्या भूमिकेत दिसत आहे. सीरिज पहिल्याच आठवड्यात OTT वर सर्वाधिक पाहिला जाणारा शो बनला आहे. सीरिजमध्ये विवेक – शिल्पा एकमेकांचे सहकारी दाखवले आहेत. पण गेल्या 20 वर्षांपासून विवेक – शिल्पा एकमेकांचे चांगले मित्र आहेत.

नुकताच झालेल्या एका मुलाखतीत विवेक ऑबेरॉय याने शिल्पा शेट्टी हिच्याबद्दल मोठं वक्तव्य केलं आहे. विवेक म्हणाला, ‘ज्या दिवसापासून मी शिल्पा हिला ओळखत त्या दिवसापासून आतापर्यंत शिल्पा हिचं सौंदर्य, बॉडी, लूक सर्वकाही होतं तसंच आहे. तिचं वय देखील वाढत नाही. ती व्हॅम्पायर म्हणते रक्त पिणारी पिशाचिनी आहे….’ विवेक याचे हे वक्तव्य सध्या सर्वत्र चर्चेत आहे.

विवेक पुढे म्हणाला, ‘शिल्पा प्रचंड चांगली आहे. आमच्या खासगी आयुष्यात काय सुरु आहे… याचा कोणताही फरक आम्हाला पडत नाही. आम्ही जेव्हा भेटतो, तेव्हा आम्ही एकमेकांना प्रेम देतो आणि आम्ही एकमेकांचा आदर करतोय… मी आणि शिल्पाच नाही तर, आमची मुलं देखील एकमेकांचे चांगले मित्र आहेत…’ असं देखील अभिनेता म्हणाला…

शिल्पा आणि विवेक कायम त्यांच्या खासगी आणि प्रोफेशनल, खासगी आयुष्यामुळे चर्चेत असतात. शिल्पा शेट्टी आता बॉलिवूडमध्ये सक्रिय नसली तरी, सोशल मीडियावर कायम सक्रिय असते. शिल्पा हिच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी शिल्पा कायम स्वतःचे फोटो आणि व्हिडीओ सोशल मीडियावर पोस्ट करत असते.