सोनाली बेंद्रेने 12 लाख 50 हजार रुपयांच्या प्रश्नानंतर सोडला खेळ, तुम्हाला उत्तर देता येईल का?
कोण होणार करोडपती हा क्विज शो नुकताच प्रेक्षकांच्या भेटीला आला आहे. या शोमध्ये अभिनेत्री सोनाली बेंद्रेने हजेरी लावली. त्यावेळी तिला 12 लाख 50 हजार रुपयांसाठी कोणता प्रश्न विचारण्यात आला होता? वाचा...
बुद्धीमत्तेच्या जोरावर लाखो-करोडो रुपये जिंकण्याची संधी छोट्या पडद्यावरील कोण होणार करोडपती या शोच्या माध्यमातून मिळते. अनेक स्पर्धक या शोमध्ये सहभागी होतात आणि लाखो रुपये जिंकतात. नुकताच कोण होणार करोडपती हा शो प्रेक्षकांच्या भेटीला आहे. बॉलिवूडची धकधक गर्ल अभिनेत्री माधुरी दीक्षित या शोचे सूत्रसंचालन करताना दिसत आहे. या शोमध्ये अभिनेत्री सोनाली बेंद्रे देखील सहभागी झाली. तिने एका प्रश्नाच्या उत्तरानंतर शो सोडला. पण या प्रश्नासाठी तिने एका लाइफलाइनचा वापर केला. तुम्ही या प्रश्नाचे योग्य उत्तर देऊ शकता का?
सोनाली बेंद्रे ही ‘Happy Pet Foundation’ या संस्थेसाठी कोण होणार करोडपती या शोमध्ये आले होती. ती या शोच्या माध्यमातून जिंकलेली संपूर्ण रक्कम ही या संस्थेला देणार आहे. आता सोनालीने शोमध्ये किती रक्कम जिंकली? चला जाणून घेऊया…
काय होता प्रश्न?
सोनालीने 12 लाख 50 हजार रुपयांच्या प्रश्नाचा पल्ला पार केला. तिचा इथपर्यंतचा प्रवास सोपा नव्हता. तिला 12 लाख 50 हजार रुपयांसाठी भरतकामाच्या यांपैकी कोणत्या शैलीच्या नावाचा शब्दश: अर्थ ‘सोन्याचे भरतकाम’ असा होतो? असा प्रश्न विचारण्यात आला होता. या प्रश्नासाठी खालील पर्याय दिले होते.
A. जरदोसी
B. कलमकारी
C. फुलकारी
D. मधुबनी
यावर सोनालीने कोणतीही Lifeline न वापरता ‘जरदोजी’ उत्तर दिलं आणि ती १२ लाख ५० हजार जिंकली. यावेळी माधुरीने सीझनचा पहिला चेक सही करून सोनालीला सुपूर्द केला. तसेच दोन लोकप्रिय अभिनेत्री एकमेकींच्या खूप चांगल्या मैत्रिणी होऊ शकत नाही असे बरेच गैरसमज लोकांमध्ये असतात. पण, या शोच्या निमित्ताने प्रेक्षकांचे हे गैरसमज दूर झाले असतील असं माधुरीने या एपिसोडच्या शेवटी सांगितलं आणि सोनालीने या मंचाचा निरोप घेतला.
