मालिकेच्या शूटिंगनिमित्त गुजरातवारी, मराठी अभिनेत्याला कोरोना संसर्ग
'मुलगी झाली हो' मालिकेत विलास पाटीलची भूमिका साकारणारे अभिनेते किरण माने कोरोना पॉझिटिव्ह आहेत (Mulgi Zali Ho Actor Kiran Mane Corona)
मुंबई : मराठी अभिनेते किरण माने (Kiran Mane) यांना कोरोनाची लागण झाली आहे. ‘मुलगी झाली हो’ या स्टार प्रवाह वाहिनीवरील मालिकेत ते मध्यवर्ती भूमिका साकारतात. लॉकडाऊन काळात शूटिंगच्या निमित्ताने मालिकेचे सर्व कलाकार गुजरातला गेले आहेत. तिथेच त्यांना कोरोना संसर्ग झाला. (Mulgi Zali Ho fame Marathi Actor Kiran Mane tested Corona Positive)
किरण माने यांची फेसबुक पोस्ट
“अनपेक्षितपणे मलाही गाठलं त्यानं. गुजरातमधून माझ्या माणसांत आलोय. सातार्यात देवासारखी माणसं जोडली, ती मनापासून काळजी घेतायत. तुमचं प्रेम राहूद्यात सोबत.. चुटकीसरशी ‘निगेटिव्ह’ होऊन दाखवतो ! एकाकीपणात तुमची साथ मोलाची असेल” अशी फेसबुक पोस्ट किरण माने यांनी केली आहे. यावर मानेंचे सहकारी, मित्र आणि चाहत्यांनी त्यांना काळजी घेण्यास सांगितलं आहे.
…अनपेक्षीतपणे मलाही गाठलं त्यानं. गुजरातमधून माझ्या माणसांत आलोय. सातार्यात देवासारखी माणसं जोडली, ती मनापासुन काळजी…
Posted by Kiran Mane on Friday, 30 April 2021
कोण आहेत किरण माने?
अभिनेते किरण माने हे ‘मुलगी झाली हो’ या मालिकेत विलास पाटील ही खलनायकी भूमिका साकारतात. मालिकेत त्यांचा दुष्ट बाप ते प्रेमळ पिता असा प्रवास उलगडताना दिसत आहे. याआधी माझ्या नवऱ्याची बायको ही मालिका, माझ्या मित्राची गर्लफ्रेण्ड, स्वराज्य हे मराठी चित्रपट, तर प्रकाश झा दिग्दर्शित अपहरण या हिंदी चित्रपटात त्यांनी वैविध्यपूर्ण भूमिका साकारल्या आहेत.
मालिकांचं चित्रिकरण राज्याबाहेर
महाराष्ट्रात कोरोना प्रतिबंधासाठी संचारबंदी लागू झाल्यानंतर मालिकांच्या चित्रिकरणावर गदा आली. त्यानंतर बहुतांश मालिकांचं चित्रिकरण राज्याबाहेर हलवण्यात आलं आहे. ‘मुलगी झाली हो’ मालिकेचं शूटिंग आधी साताऱ्यात केलं जात असे. मात्र सध्या कलाकार आणि तंत्रज्ञ गुजरातमध्ये शूटिंग करत आहेत. मालिकेत सविता मालपेकर, शर्वाणी पिल्ले यासारखे दिग्गज कलाकारही आहेत. गेल्या आठवड्यापासून मालिकेचे नवे भागही प्रक्षेपित झाले. त्यातच किरण मानेंना कोरोना संसर्गाने गाठल्याने ते महाराष्ट्रात परतले आहेत. आता मालिकेत त्यांच्या व्यक्तिरेखेशी निगडित ट्रॅक बदलला जाण्याची शक्यता आहे. (Mulgi Zali Ho fame Marathi Actor Kiran Mane tested Corona Positive)
किरण मानेंची व्हायरल पोस्ट
“तुम्ही खबरदारी घ्या… मी जबाबदारी घेतो !” हे वाक्य तू ‘आतून’ – मनाच्या तळातून – उद्गारलंस… आणि आमच्या डोळ्यांत पाणी तरळलं.. तू फक्त दिलासा दे.. आम्ही कायम तुझ्यासोबत आहोत !” असं मुख्यमंत्री उद्धव ठाकरे यांचं कौतुक करणारी पोस्ट किरण मानेंनी काही दिवसांपूर्वी लिहिली होती.
संबंधित बातम्या :
‘नाव सुचत नव्हतं, इतक्यात त्यांनी दरवाजा ठोठावला..’, वाचा ‘धनंजय माने इथेच राहतात का?’चा किस्सा…
(Mulgi Zali Ho fame Marathi Actor Kiran Mane tested Corona Positive)
