Video : सोनाली कुलकर्णीनं सांगितला ‘त्या’ इंटिमेट सीनचा किस्सा अन् रवीनं लपवला चेहरा

मुंबई : रवी किशन (Ravi Kishan) आणि सोनाली कुलकर्णी (Sonali Kulkarni) लवकरच कॉमेडियन कपिल शर्माच्या शोमध्ये दिसणार आहेत. ‘द कपिल शर्मा शो'(The Kapil Sharma Show)मध्ये अभिनेता सचिन खेडकर(Sachin Khedekar)ही या दोघांसोबत येणार आहे. शोचा एक प्रोमो आलाय, यात सोनालीच्या बोलण्यामुळे रवी लाजल्यासारखा दिसतोय. प्रोमो व्हिडिओमध्ये, सोनाली आधीच्या दिवसांबद्दल बोलतेय, तिने रवी किशनच्या पत्नीचा रोल केला होता.

वेल डन अब्बाचा होता सीन सोनाली कुलकर्णी दिग्दर्शक श्याम बेनेगल यांच्या वेल डन अब्बा या चित्रपटात रवी किशनसोबत दिसली होती. या चित्रपटात भूमिका कशी मिळाली, याविषयी सोनाली सांगते, की तिला इंटिमेट सीन करण्यास सांगितलं होतं. सोनाली म्हणाली, की मला रवीसोबत काम करण्याची संधी मिळत होती. श्याम बाबू म्हणाले होते, तू भूमिका करणार का? मी हो म्हटलं. मग ते म्हणाले, तू त्याची बायको असशील. त्यावर मी होकार दिला.

…अन् रवी लाजला सोनाली म्हणाले, त्यांनी सांगितलं की आता तुला रवीवर उडी मारायचीय. पलंग तोड. यावर रवी म्हणाल, अरे बापरे… आणि लाजून त्यानं मान खाली घातली. पुढे सोनाली म्हणाली, की मी लाजेनं पाणी पाणी झाले होते. पण रवी आमच्यासोबत होता, त्यामुळे मजाही खूप आली. हा किस्सा ऐकून रवीचं लाजणं आश्चर्यात बदललं.

व्हिसलब्लोअरचं करतायत प्रमोशन रवी किशन, सोनाली कुलकर्णी आणि सचिन खेडकर त्यांच्या नवीन मालिका व्हिसलब्लोअरच्या प्रमोशनसाठी कपिल शर्माच्या शोमध्ये आलेत. या वेब सिरीजचे इतर स्टार्सही या शोमध्ये सहभागी होताना दिसणार आहेत. याशिवाय अक्षय कुमार आणि सारा अली खानदेखील त्यांच्या ‘अतरंगी रे’ चित्रपटाच्या प्रमोशनसाठी या वीकेंडला कपिलच्या शोमध्ये येत आहेत.

VIDEO : ‘जर्सी’साठी शाहिद कपूरनं गाळलं रक्त आणि घाम! टाके पडल्यानंतरही जोरदार फटकेबाजी!!

Budget Mobile Phones : बजेट नाही? नो टेन्शन; ट्राय करा 20,000च्या आतले ‘हे’ मोबाइल फोन…

Entertainment : ‘हे’ चित्रपट आणि वेब सिरीज या आठवड्यात मोठा पडदा आणि OTTवर होणार प्रदर्शित