वरुण-नताशाचा आज लग्नाचा वाढदिवस, शर्टलेस होत क्लिक केला रोमांटिक फोटो

Varun Dhawan Wedding Anniversary : ​​वरूण धवन आणि नताशा दलाल यांच्या लग्नाला आज तीन वर्ष पूर्ण झाले आहेत. बॉलिवूडचे हे कपल आता चौथ्या वर्षात पदार्पण करत आहेत. आजच्याच दिवशी वरुण धवन आणि नताशा यांचा प्रेमविवाह झाला होता. त्यांच्या लग्नाच्या तिसऱ्या वर्षी अभिनेत्याने खास फोटोसह पत्नीला शुभेच्छा दिल्या आहेत.

वरुणने नॉन फिल्मी असलेल्या नताशा सोबत विवाह करण्याचा निर्णय घेतला होता. कुटुंब आणि अनेक सेलिब्रिटींच्या उपस्थितीत दोघांनी 2021 मध्ये विवाह केला होता. आपल्या वाढदिवसाच्या तिसऱ्या वर्षी वरुणने नताशाला प्रपोज करतानाचा फोटो चाहत्यांसोबत शेअर केला आहे.

वरुणने शर्टलेस फोटो केला शेअर

वरुण धवनने सोशल मीडियावर शेअर केलेल्या फोटोमध्ये तो शर्टलेस दिसत आहे, तर नताशाने मोनोकिनी आणि खाली पांढरा स्कर्ट घातला आहे. हा फोटो शेअर करताना अभिनेत्याने ‘हॅपी 3rd बेबी’ असे लिहिले आहे. मी तुला प्रपोज केले तेव्हा मार्को अँटोनियोचे गाणे वाजत होते.

या फोटोवर चाहते देखील प्रतिक्रिया देत आहेत. या रोमँटिक फोटोवर प्रेमाचा वर्षाव केला जात आहे. चाहते दोघांना लग्नाच्या वाढदिवसाच्या शुभेच्छा देत आहेत.

रुण धवनने करीना कपूरच्या ‘व्हॉट वुमन वॉन्ट’ या चॅट शोमध्ये नताशासोबतच्या नात्याबद्दल खुलासा केला होता. वरुणने सांगितले होते की, त्याची आणि नताशाची पहिली भेट सहावीत असताना झाली होती. मात्र, तेव्हा ते फक्त चांगले मित्र होते. साधारण 11वी आणि 12वी पर्यंत. वरुणने सांगितले की, कालांतराने त्याला कळले की तो नताशावर प्रेम करू लागला आहे.

View this post on Instagram

A post shared by VarunDhawan (@varundvn)

वरुणने शाळेत बास्केटबॉल खेळायचा. तो शाळेत यलो हाऊसमध्ये होता आणि नताशा रेड हाऊसमध्ये होती. जेवणाच्या सुट्टीत जेव्हा ती त्याला समोरुन येताना दिसली तेव्हाच तो तिच्या प्रेमात पडला होता. तिला पाहताच तो तिच्या प्रेमात पडला होता. वरुणने असेही सांगितले होते की, नताशाने 3-4 वेळा प्रपोज केल्यानंतर त्याला नाकारले होते. पण त्याने हार मानली नाही आणि अखेर ती तयार झाली.