‘रोमिओ अकबर वॉल्टर’ सिनेमाने जॉन बॉक्स ऑफिसवर हॅट्ट्रीक करणार?
मुंबई : अभिनेता जॉन अब्राहम याची मुख्य भूमिका असणार ‘रोमिओ अकबर वॉल्टर (Romeo Akbar Walter)’ हा सिनेमा येत्या 5 एप्रिलला प्रदर्शित होणार आहे. या सिनेमात जॉनने एका रॉ एजंटची भूमिका साकारली आहे. हा रॉ एजंट पाकिस्तानात जाऊन तिथल्या लष्करात भर्ती होतो आणि भारताला पाकिस्तानच्या सैन्याची गुप्त माहिती पुरवतो. या सिनेमाचं दिग्दर्शन रॉबी ग्रेवाल यांनी केलं […]
मुंबई : अभिनेता जॉन अब्राहम याची मुख्य भूमिका असणार ‘रोमिओ अकबर वॉल्टर (Romeo Akbar Walter)’ हा सिनेमा येत्या 5 एप्रिलला प्रदर्शित होणार आहे. या सिनेमात जॉनने एका रॉ एजंटची भूमिका साकारली आहे. हा रॉ एजंट पाकिस्तानात जाऊन तिथल्या लष्करात भर्ती होतो आणि भारताला पाकिस्तानच्या सैन्याची गुप्त माहिती पुरवतो. या सिनेमाचं दिग्दर्शन रॉबी ग्रेवाल यांनी केलं आहे.
हा सिनेमा रॉ एजंट रंविंद्र कौशिक यांच्या जीवनावर आधारित असल्याची माहिती आहे. गेल्यावर्षी जॉनचे ‘सत्यमेव जयते’ आणि ‘परमाणू : द स्टोरी ऑफ पोखरण’ हे दोन सिनेमे प्रदर्शित झाले होते. हे दोन्ही सिनेमे देशावर होते. तसेच या दोन्ही सिनेमांनी बॉक्स ऑफिसवर जबरदस्त कमाई केली होती.
‘सत्यमेव जयते’ आणि ‘परमाणू : द स्टोरी ऑफ पोखरण’ हे दोन्ही सिनेमे देशभक्तीपर होते. तर जॉनचा आगामी ‘रोमिओ अकबर वॉल्टर’ हा सिनेमाही देशावर आहे. त्यामुळे हा सिनेमाही बॉक्स ऑफिसवर हीट ठरेल, असा अंदाज लावला जात आहे. कारण, जॉन यात पाकिस्तानमध्ये भारताचा गुप्तहेर बनला आहे, त्यामुळे त्याची भूमिका प्रेक्षकांना आकर्षित करु शकते. जर हा सिनेमा हीट झाला तर जॉनचे एका पाठोपाठ तीन सिनेमे हीट होतील, त्यामुळे जॉन हीट सिनेमांची हॅट्ट्रीक करणार का, हे तर 5 एप्रिलनंतरच कळू शकेल.
‘सत्यमेव जयते’ आणि ‘परमाणू : द स्टोरी ऑफ पोखरण’ या सिनेमांनी किती कमाई केली?
15 ऑगस्ट 2018 ला ‘सत्यमेव जयते’ हा सिनेमा प्रदर्शित झाला होता. जॉनच्या ‘सत्यमेव जयते’ या सिनेमाने 80 कोटी 50 लाख रुपयांचा गल्ला जमवला होता. या सिनेमाचं दिग्दर्शन मिलाप मिलन झवेरी यांनी केलं होतं. यामध्ये जॉन हा मुख्य भूमिकेत होता, तर अभिनेता मनोज वाजपेयी यांचीही महत्त्वाची भूमिका होती. यामध्ये जॉन हा भ्रष्टाचाराविरोधात लढताना दिसला आहे.
‘परमाणू : द स्टोरी ऑफ पोखरण’ हा सिनेमा 25 मे 2018 ला प्रदर्शित झाला होता. 1998 ला भारताने राजस्थानच्या पोखरण येथे अणू बॉम्ब चाचणी यशस्वीरित्या पूर्ण केली, त्यावर हा सिनेमा होता. ही भारताच्या इतिहासातील अत्यंत महत्त्वपूर्ण घटना आहे. दिग्दर्शक अभिषेक शर्मा यांनी या सिनेमाचं दिग्दर्शन केलं. हा सिनेमाही बॉक्सऑफिसवर चांगला गाजला. या सिनेमाने 65 कोटी 89 लाख रुपयांची कमाई केली होती.
पाहा व्हिडीओ :
