आधार कार्डवरील तुमचा फोटो कसा बदलाल?

मुंबई : आधार कार्ड हे प्रत्येक भारतीय नागरिकासाठी महत्त्वाच्या कागदपत्रांपैकी एक आहे. हे भारतीय नागरिकांचं ओळखपत्र आहे. आज कुठल्याही महत्त्वाच्या व्यवहारासाठी आपल्याला या आधार कार्डची गरज असते. आर्थिक व्यवहार असो किंवा सरकारी योजनांच्या लाभासाठी असो, प्रत्येक ठिकाणी हे आधार कार्ड एक महत्त्वाच्या कागदपत्राचं काम करतं. आधार कार्ड बनवणारी भारतीय विशिष्ट ओळख प्राधिकरण संस्था म्हणजेच UIDAI …

आधार कार्डवरील तुमचा फोटो कसा बदलाल?

मुंबई : आधार कार्ड हे प्रत्येक भारतीय नागरिकासाठी महत्त्वाच्या कागदपत्रांपैकी एक आहे. हे भारतीय नागरिकांचं ओळखपत्र आहे. आज कुठल्याही महत्त्वाच्या व्यवहारासाठी आपल्याला या आधार कार्डची गरज असते. आर्थिक व्यवहार असो किंवा सरकारी योजनांच्या लाभासाठी असो, प्रत्येक ठिकाणी हे आधार कार्ड एक महत्त्वाच्या कागदपत्राचं काम करतं. आधार कार्ड बनवणारी भारतीय विशिष्ट ओळख प्राधिकरण संस्था म्हणजेच UIDAI ही नागरिकांना अनेक सुविधा पुरवते. त्यापैकीच एक सुविधा फोटो अपडेट करणे ही देखील आहे.

अनेकांना आधार कार्डवरील फोटोवर आक्षेप असतो. आधार कार्डवर फोटो चांगला येत नसल्याने नागरिक नाराज असतात. यावर अनेक मीम्सही बनवले जातात. आधार कार्डवरील फोटो चांगला नसल्याने अनेकजण आधार कार्ड केवळ गरजेच्या ठिकाणीच वापरतात, तसेच ते आपलं आधार कार्ड इतर कुणाला दाखवतही नाही. मात्र, तुम्हाला आधार कार्डवरील तुमचा फोटो आवडत नसेल तर तुम्ही तो बदलू शकता.

आधार कार्डमध्ये मोबाईल नंबर, पत्ता आणि इतर माहिती बदलता येते, हे तर सर्वांनाच माहीत आहे. मात्र, आता तुम्हाला तुमच्या आधार कार्डमधील फोटोही बदलता येणार आहे. नवा आणि आपल्या आवडीचा फोटो अपलोड करण्यासाठी दोन पद्धती आहेत. चला तर या पद्धती जाणून घेऊ, ज्याच्या मदतीने तुम्ही आधार कार्ड वरील तुमचा न आवडणारा फोटो बदलू शकता.

पहिली पद्धत

UIDAI च्या स्थानिक कार्यालयाला पत्र लिहून तुम्ही तुमचा नवा फोटो अपलोड करण्याची विनंती करु शकता. या अर्जासोबत तुम्हाला तुमचा नवा फोटो आणि आधार कार्डची प्रत जोडावी लागेल. जर तुमचा अर्ज स्वीकारण्यात आला तर केवळ 15 ते 20 दिवसांमध्ये तुम्हाला तुमचं नवं आधार कार्ड नव्या फोटोसह मिळेल.

दुसरी पद्धत  

पहिल्यांदा तुम्हाला UIDAI च्या अधिकृत वेबसाईटवर जावं लागेल. त्यानंतर नोदंणी फॉर्म डाऊनलोड करुन तो भरावा लागेल. आता तुमच्या जवळच्या कुठल्याही नोदंणी केंद्रावर (AEC) जाऊन हा फॉर्म तिथल्या आधार कार्डसंबंधी कामं करणाऱ्या अधिकाऱ्याला द्या. या फॉर्मसोबत तुम्हाला बायोमेट्रिक तपशील मागितला जाईल. त्यानंतर अधिकारी तुमचा नवा फोटो घेईल. या प्रक्रियेसाठी तुम्हाला 25 रुपयांचं शुल्कही द्यावं लागेल. 25 रुपयांवर तुम्हाला जीएसटीही द्यावा लागेल. त्यानंतर तुम्हाला एक पावती दिली जाईल. यामध्ये यूआरएन नंबर असेल. या नंबरच्या मदतीने तुम्ही तुमचं आधार कार्ड अपडेट झालं की नाही ते तपसू शकता. यनंतर काहीच दिवसांत तुम्हाला नव्या फोटोसह तुमचं आधार कार्ड मिळेल.

कमेंट करा

कमेंट करा

Your email address will not be published. Required fields are marked *