या लोकांसाठी ब्लॅक फंगस अधिक घातक, डोळ्यांची दृष्टी जाते, जाणून घ्या लक्षणे आणि उपाय

नवी दिल्ली : देशात कोरोनाने कहर केला असातानाच आता लोक काळ्या बुरशीचे शिकार होत आहेत. मध्य प्रदेश, महाराष्ट्र, उत्तर प्रदेशसह देशातील बर्‍याच राज्यात याचे रुग्ण आढळले आहेत. इंडियन काउन्सिल फॉर मेडिकल रिसर्चच्या (ICMR) मते, काळी बुरशी(ब्लॅक फंगस) शरीरात वेगाने पसरणारा एक दुर्मिळ आजार आहे. कोरोना संक्रमण होण्याआधी अन्य रोगाची लागण असलेल्या लोकांमध्ये किंवा रोग प्रतिकारशक्ती कमकुवत असलेल्यांमध्ये हा आजार अधिक दिसून येतो. (Black fungus is more dangerous for these people, know the symptoms and remedies)

काळी बुरशी म्हणजे काय?

कोरोना विषाणूमुळे होणारा हा बुरशीजन्य संसर्ग आहे. कोविड -19 टास्क फोर्सच्या तज्ज्ञांचे म्हणणे आहे की जे आधीपासूनच काही आजाराने ग्रस्त आहेत आणि ज्यांची रोगप्रतिकार शक्ती कमकुवत आहे अशा लोकांमध्ये हे सहज पसरते. या लोकांमध्ये संक्रमणाशी लढण्याची क्षमता कमी आहे.

किती धोकादायक आहे काळी बुरशी?

कोरोना कहरात काळ्या बुरशीचा प्रादुर्भाव प्राणघातक असल्याचे सिद्ध होत आहे. डॉक्टरांच्या म्हणण्यानुसार, योग्य वेळी यावर उपचार न केल्यास दृष्टी जाण्याव्यतिरिक्त रुग्ण मरणी पावला. हे संक्रमण सायनसद्वारे डोळ्याला पकडते. यानंतर, हे शरीरात पसरते. हे टाळण्यासाठी, डॉक्टरांना संक्रमित डोळा किंवा जबडाचा वरचा भाग काढून टाकण्यासाठी शस्त्रक्रिया करावी लागते.

काळी बुरशी शिकार कसे बनवते

आरोग्य तज्ज्ञांच्या म्हणण्यानुसार, हवेत पसरलेल्या जंतूंच्या संसर्गामुळे एखादी व्यक्ती बुरशीजन्य संसर्गाचा बळी बनू शकते. रुग्णाच्या त्वचेवरही काळा बुरशीचा विकास होऊ शकतो. त्वचेवर जखम, घासल्यामुळे किंवा जळजळ होण्यामुळे हे शरीरात प्रवेश करू शकते.

काळ्या बुरशीची लक्षणे

– ताप येणे – डोके दुखणे – खोकला किंवा श्वास घेण्यात अडथळा – डोळे लालसर होणे – डोळ्यात वेदना होणे – डोळा सूजणे, एक गोष्ट डबल दिसते किंवा दिसायचं बंद होणे – चेहऱ्याच्या वेदना, सूज येणे किंवा सुन्न होणे – दातदुखी, दात हलणे, अन्न चावण्यास त्रास होणे – उलट्या किंवा खोकताना रक्त येणे

काळी बुरशीपासून संरक्षण कसे करावे

– धुळीच्या ठिकाणी मास्क घाला. – माती, खत यासारख्या गोष्टींजवळ जाताना शूज, ग्लोज, फुल स्लीव्ह शर्ट आणि ट्राऊजर घाला. – स्वच्छतेची विशेष काळजी घ्या. – मधुमेह नियंत्रित करा, इम्युनोमोड्युलेटिंग औषधे किंवा स्टिरॉईड्सचा कमी प्रमाणात वापर करा (Black fungus is more dangerous for these people, know the symptoms and remedies)

नाशिकच्या बिटको रुग्णालयात राडा, भाजप नगरसेविकेच्या पतीकडून तोडफोड करत अधिकाऱ्यांना शिवीगाळ#Coronalockdown #coronapatients #Coronavirus #CoronaWave #NashikHospitalhttps://t.co/Y6Bj2wJV56

— TV9 Marathi (@TV9Marathi) May 15, 2021

इतर बातम्या

1.5 लाखांचा फोन 40 हजारात खरेदीची संधी, ‘या’ स्मार्टफोन्सवर बंपर डिस्काऊंट

तौत्के चक्रीवादळ : पंतप्रधान मोदींनी उच्चस्तरीय बैठकीत घेतला तयारीचा आढावा; एनडीआरएफ, एसडीआरएफ, लष्करासह सर्व यंत्रणा सज्ज