kitchen tips | मऊ आणि फुगलेल्या पोळ्या बनवणं कठीण आहे?, या टिप्स फॉलो करा

बर्‍याच घरांमध्ये पोळी कडक होण्याची आणि लवकर खराब होण्याची समस्या असते. यासाठी गृहिणी काही टिप्स फॉलो करतात. परंतु तरीही त्यांचे चांगले परिणाम मिळत नाहीत. घरोघरी कणीक आणणारी अनेक दुकानेही बदलली आहेत. पोळ्या फुगलेल्या आणि मऊ होण्याची समस्या बहुतेक घरांमध्ये दिसून येते. तसं पाहिलं तर थंडीचं वातावरण आहे. त्यामध्ये कोरडेपणा लवकर येतो. अशा स्थितीत पोळ्यांना जास्त वेळ फुगवून मऊ ठेवणं कठीण काम आहे. जर तुम्ही काही सोप्या टिप्स फॉलो केल्यात, तर तुम्ही फुगीर आणि मऊ रोटीचाही आनंद घेऊ शकता. त्यासाठी आधी कणकीचा दर्जाही चांगला असणे आवश्यक आहे. यानंतर, तुम्ही पोळी कशी बनवता याची प्रक्रिया सुधारणे आवश्यक आहे. या टिप्स फॉलो करून तुम्ही घरच्या घरी मऊ पोळ्या बनवू शकता.

कणीक मळणे

जेव्हा तुम्ही कणीक मळून घ्यालं तेव्हा लक्षात ठेवा की ते मऊ ठेवणे चांगले आहे. कडक कणीक मळून घेतल्यावर पोळ्या जास्त काळ मऊ राहत नाहीत. वाटल्यास कणीक मळताना त्यात थोडे दूधही वापरू शकता.

कणीक मळून थोडा वेळ ठेवा

कणीक मळल्यानंतर थोडा वेळ थांबा. कणीक मळून घेतल्यानंतर त्यावर हलक्या हाताने पाण्याचा थर तयार करून 15 मिनिटे असेच राहू द्या. असे केल्याने तुमच्या पोळ्या मऊ आणि नरम होतील. तुम्हाला हवे असल्यास, तुम्ही मैद्यामध्ये थोडे तेलही मिक्स करू शकता.

अशा लाटा पोळ्या

पोळी लाटताना हात नेहमी मऊ ठेवा. पोळी लाटताना प्रथम कणकीच्या कडा लाटून घ्या आणि नंतर उरलेली कणीक लाटून आकार द्या.

कोरडी कणीक कमी घ्या

अनेकदा लोक पोळ्या लाटताना जास्त कोंडा म्हणजेच कोरडी कणीक वापरतात. असे केल्याने पोळी सहज लाटली जाते. पण त्यामुळे पोळीतील ओलावा संपून ती कडक होते. त्यामुळे हे करणे टाळा.

मंद आचेवर शेका

तवा गरम केल्यानंतर, पोळी भाजताना करताना गॅस मंद ठेवणे चांगले. तवा खूप गरम असेल तर पोळ्या आधीच जास्त शिजल्या जातात आणि चुलीवर भाजून घेतल्यास त्या कडक होतात. पोळ्यांवर तूप लावून मजा घ्या.

Daddy issue | डॅडी इश्यूमुळं बिघडू शकते मुलींचे जीवन!, अशाप्रकारे सोडवू शकता समस्या

Dry cough | कोरड्या खोकल्यादरम्यान या घरगुती उपचारांना करा ट्राय, समस्या होईल दूर!