VIDEO: कराचीत दहशतवाद्यांनी स्फोट करुन उडवली पाकिस्तानी लष्कराची गाडी

कराची: पाकिस्तानच्या कराची येथे सोमवारी निमलष्करी दलाची एक गाडी स्फोटाच्या (Blast) साहाय्याने उडवण्यात आली. यामध्ये एका सैनिकाचा मृत्यू झाला असून 10 जण जखमी झाले आहेत. या स्फोटासाठी एका मोटारसायकलचा वापर करण्यात आला होता. निमलष्करी दलाची गाडी जवळ आल्यानंतर स्फोटकांनी भरलेल्या या मोटारसायकलचा रिमोट कंट्रोलच्या सहाय्याने स्फोट करण्यात आला. (Pakistan karachi blast CCTV footage)

बलोच लिबरेशन आर्मी (BLA) या दहशतवादी संघटनेने या हल्ल्याची जबाबदारी स्वीकारली आहे. कराचीमधील वर्दळीचे ठिकाण असणाऱ्या ओरंगी परिसरामध्ये उभ्या करण्यात आलेल्या मोटरसायकलवर हा बॉम्ब ठेवण्यात आला होता. त्यामुळे स्फोटात घटनास्थळी उपस्थित असणारे काही नागरिकही जखमी झाले आहेत.

स्फोटाच्या काही मिनिटं आधी मोटारसायकल घटनास्थळी आणली

या घटनेचे सीसीटीव्ही फुटेज आता समोर आले आहे. यामध्ये स्फोटाच्या पाच मिनिटे आधी एका व्यक्तीने रस्त्यावर मोटारसायकर उभी केल्याचे दिसत आहे. हा वर्दळीचा रस्ता असल्याने निमलष्करी दलाची गाडी हळूहळू गर्दीतून वाट काढत होती. लष्कराची गाडी मोटारसायकलजवळ आल्यानंतर लगेच स्फोट झाला. या स्फोटाची तीव्रता जास्त असल्याने अनेकजण गंभीर जखमी झाल्याचे समजते.

कराची स्टॉक एक्स्चेंजवर हल्ला

गेल्यावर्षी कराची स्टॉक एक्स्चेंजवरही अशाचप्रकाराच मोठा हल्ला करण्याचा प्रयत्न झाला होता. यावेळी दहशतवाद्यांनी स्टॉक एक्स्चेंजच्या परिसरात अंदाधुंद गोळीबार केला होता. याशिवाय, काही ग्रेनेडसही फेकण्यात आले होते.
दहशतवाद्यांनी जेव्हा अंधाधुंद गोळीबार सुरु केला तेव्हा इमारतीत जवळपास 300 कर्मचारी होते. या हल्ल्याची माहिती मिळताच कराची पोलीस आणि पाकिस्तान रेंजर्सचे जवान तातडीने घटनास्थळी दाखल झाले. यानंतर झालेल्या चकमकीत सर्व दहशतवादी ठार मारले गेले होते.

संबंधित बातम्या:

म्यानमारमधील सैन्य कारवाईने भारताची काळजी वाढली, 100 पेक्षा अधिक लोकांची घुसखोरी

धक्कादायक, अफगाणिस्तानमध्ये संयुक्त राष्ट्राच्या पथकावर जीवघेणा हल्ला, 5 जणांचा मृत्यू

पाकिस्तानमधील वरिष्ठ सभागृहात पहिल्यादाच शिख खासदाराची एन्ट्री, कोण आहेत गुरदीप सिंह?

(Pakistan karachi blast CCTV footage)