इराण-अमेरिका युद्धाचा जगाला फटका, थेट कच्च्या तेलाच्या दरात मोठा भडका, खळबळजनक आकडे…
इराण आणि अमेरिका यांच्यातील युद्धाच्या झळा संपूर्ण जगाला बसताना दिसत आहेत. युद्ध भडकलेले असतानाच आता तेलाच्या किंमतीत मोठी वाढ झाली आहे. या युद्धाचा भडका फक्त तीन देशांना नाही तर जगातील अनेक देशांना बसताना दिसत आहे.
अमेरिका आणि इस्त्रायलने मिळून इराणवर मोठा हल्ला केला. इराणच्या प्रमुख शहरांवर सतत मिसाईल हल्ले सुरू आहेत. इराणकडूनही इस्त्रायल आणि अमेरिकेचे लष्कर तळ असलेल्या देशांमध्ये हल्ले केली जात आहेत. दुबईमध्ये सतत मिसाईल हल्ले केली जात आहेत. इराणचे सर्वोच्च नेते आयातुल्ला अली खामेनेई यांना हल्ल्यात ठार करण्यात आले. इराणने स्पष्ट शब्दात सांगितले की, कोणत्याही परिस्थितीमध्ये आम्ही हार मानणार नाहीत. हे युद्ध तुम्ही सुरू केले आम्ही संपवणार. अमेरिकेने थेट इशारा देत म्हटले की, आम्ही इराणवर सर्वात मोठा हल्ला करणार आहोत. काही देश अमेरिकेच्या पाठिशी उभे असून त्यांनी अमेरिकेने समर्थन केले. चीन आणि रशियाकडून अमेरिकेने ज्या पद्धतीने इराणवर हल्ला केला त्याचा निषेध केला. बहरीनमध्ये अमेरिकेच्या लष्करी तळाचे मोठे नुकसान झाल्याची माहिती आहे. कुवैतमधील अमेरिकेचा लष्करी तळ बंद करण्याचा मोठा निर्णय अमेरिकेने घेतला.
या युद्धाचा परिणाम आता थेट कच्च्या तेलांवर बघायला मिळतोय. भावांचा भडका उडाला आहे. इराणच्या मिसाईलचे अनेक थरारक व्हिडीओ व्हायरल होत आहेत. इराणच्या 9 कच्च्या तेलाचे जहाज अमेरिकेने उडवल्या आहेत. त्यामध्येच आता जगाचे टेन्शन वाढवणारे कच्च्या तेलाचे भाव पुढे आले. अमेरिका, इस्त्रायल आणि इराण यांच्यातील युद्धाचा फटका संपूर्ण जगाला बसताना स्पष्टपणे दिसत आहे.
या युद्धामध्ये इराणकडून होर्मुझची सामुद्रधुनी बंद करण्यात आली. सुरक्षेच्या कारणामुळे इराणकडून तो मार्ग बंद करण्यात आला. मात्र, याचा परिणाम जागतिक सागरी व्यापारावर होत आहे. इस्त्रायल, अमेरिका आणि इराणच्या युद्धात कच्च्या तेलाच्या किंमती वाढल्या आहेत. इराणकडून खाडी देशांवर क्षेपणास्त्र हल्ले केली जात आहेत. त्यामध्येच साैदी अरेबिया, ओमान, कतार, अबुधाबी, दुबई या देशांचा समावेश आहे.
कच्च्या तेलाच्या किंमती 72 डॉलर प्रति बॅरल इतक्या वाढल्या आहेत. 19 टक्क्यांनी ही वाढ झालीये. तेलाच्या बॅलरचा दर 80 डॉलरवर पोहोचला. जगभरातील इंधन तेलाच्या किंमती वाढण्याची भीती आहे. साैदी अरेबियाच्या गटात उत्पादनात इराणचा वाटा 12 टक्के इतका वाढला आहे.
